საბერძნეთში ვაქცინის მეოთხე დოზა ყველასთვის სავალდებულო გახდება ?! - ბერძენი პროფესორის განცხადება

ბერძნებმა პროფესორმა კორონავირუსის ვაქცინაციის მეოთხე დოზის აუცილებლობაზე ისაუბრა. მისი განცხადებით, ის ყველასთვის იქნება განკუთვნილი. სავარაუდოდ, უკვე მომდევნო თვიდან კი სავალდებულო გახდება 60 წელს გადაცილებული მოქალაქეებისთვის.

აღნიშნული განცხადება პროფესორმა თეოდოროს ვასილაკოპულოსმა, ტელეკომპანია MEGA-ს ეთერში გააკეთა. მან ხაზგასმით აღნიშნა, რომ მე-3 დოზის მიღების შემდეგ, 3-დან 4 თვემდე covid 19 -ით ინფიცირების შანსი დაახლოებით, 40-50%-ს შეადგენს, მაგრამ  დაავადების შემთხვევაში, არსებობს დაახლოებით, 15% -იანი ალბათობა იმისა,  რომ ინფექცია გართულებული ფორმით განვითარდეს და მასთან გასამკლავებლად აუცილებელი გახდეს სპეციალისტების ჩარევა.

"უნდა ვისწავლოთ ამ ვირუსთან ერთად ცხოვრება. უნდა ვისწავლოთ სიფრთხილე.  ფრაზა „ინდივიდუალური პასუხისმგებლობა“ არ უნდა მივიჩნიოთ ხუმრობად. კორონავირუსის საწინააღმდეგო მე-4  დოზა ყველასთვის იქნება განკუთვნილი. თავდაპირველად კი 60 წელს გადაცილებული ასაკის მოქალაქეებისთვის, ის შეიძლება მომდევნო თვეში დამტკიცდეს. სანამ არ გამოვა Moderna-ს და Pfizer-ის განახლებული ვაქცინა“, - განაცხადა პროფესორმა ვასილაკოპულოსმა.

ასევე საინტერესოა

🔷„საბერძნეთი მარიუპოლის სამშობიარო სახლს აღადგენს“ - პრემიერ-მინისტრის განცხადება

🔷„მხარი დაუჭირეთ მშვიდობას, ერთობა არის ევროპის თავისუფლების გასაღები“ - კიევის მერი ბერძენ ხალხს მიმართავს

🔷სასტიკი მკვლელობა ამერიკაში - ყოფილმა ქმარმა ბერძენი ემიგრანტი და მისი მეგობარი ქალი სასიკვდილოდ დაჭრა