დიდი სირთულეების შემდეგ, საბერძნეთის კონსულმა მარიუპოლში, სამშობლოში დაბრუნება შეძლო

დიდი სირთულეების შემდეგ, საბერძნეთის კონსულმა მარიუპოლში, მანოლის ანდროულაკისმა  სამშობლოში დაბრუნება შეძლო.

მას ოჯახის წევრები ათენის ელეფთერიოს ვენიზელოს აეროპორტში დახვდნენ. 

მანოლის ანდროულაკისმა ჟურნალისტებთან ისაუბრა იმ ტრაგედიაზე, რაც  მარიუპოლსა და უკრაინაში  ტრიალებს და ყველას ომის შესაწყვეტად ძალების გაერთიანებისკენ მოუწოდა, რადგან, როგორც თავად აღნიშნავს მშვიდობიანი მოსახლეობა იღუპება.  

მისი განცხადებით, მარიუპოლი, რომელიც საერთოდ აღარ ჰგავს  მორიუპოლს, დაემატება ომების შედეგად განადგურებულ ქალაქების სიას, როგორიცაა გერნიკა და ალეპო.

საბერძნეთის კონსული ალყაში მოქცეულ მარიუპოლში, სამხედრო მოვლენების ეპიცენტრში იმყოფებოდა. დიპლომატის ოჯახმა საბერძნეთის ხელისუფლებას სთხოვა გამოეჩინათ ყველაზე მოსახერხებელი გზა მისი სამშობლოში დასაბრუნებლად, რადგან კონსულის სიცოცხლეს საფრთხე ემუქრებოდა.  

საბერძნეთის ხელისუფლების და ასევე უკრაინის პრეზიდენტის, მაქსიმალური ძალისხმევის შედეგად დიპლომატი სამშობლოში მშვიდობით დაბრუნდა.

გავრცელებული ინფორმაციით, სამშობლოში დაბრუნებულ კონსულს, პრემიერ-მინისტრი უახლოეს დღეებში შეხვდება.  

ანდროულაკისი იყო ბოლო ევროპელი დიპლომატი, რომელმაც მარიუპოლის ომის ზონა დატოვა.

კონსულმა, მარიუპოლიდან თავის დაღწევაში და სამშობლოში დასაბრუნებლად გაწეული უზარმაზარი დახმარებისთვის მადლობა გადაუხადა საბერძნეთის პრეზიდენტს, პრემიერ-მინისტრს, საგარეო საქმეთა სამინისტროს, ასევე უკრაინის პრეზიდენტს ზელენსკის.  მან ასევე მადლობა გადაუხადა იმ ორ უცნობ ოჯახს, რომელთაც ბოლო ორი დღის განმავლობაში ის შეიფარეს.  

ასევე საინტერესოა

🔷საბერძნეთის კუნძულზე მიწისძვრა მოხდა

🔷ათენში, საბჭოთა კავშირის დროს დაღუპული ჯარისკაცის ძეგლი დააზიანეს - მომხდარმა რუსეთის საელჩოს აღშფოთება გამოიწვია

🔷რუსეთის უნივერსიტეტის, ბერძენი სტუდენტები შველას ითხოვენ