ინფლაციის რეკორდული მაჩვენებელი საბერძნეთში - რომელ საქონელზე გაიზარდა ფასები

საბერძნეთის სტატისტიკური სამსახურის მონაცემებით, 2022 წლის იანვარში საბერძნეთში ინფლაცია 6,2%-მდე გაიზარდა.

საბერძნეთში, ინფლაციამ მატება 2021 წლის სექტემბერში დაიწყო, გასულ თვეში კი ევროსტატმა გასცა გაფრთხილება ქვეყანაში ფასების სწრაფი ტემპით ზრდასთან დაკავშირებით. 

კერძოდ ინფლაციამ საბერძნეთში, 1997 წლის შემდეგ 2022 წლის იანვარში რეკორდულ მაჩვენებელს მიაღწია.  

ELSTAT-ის ამჟამინდელი მონაცემებით დასტურდება, რომ ფასების ყველაზე დიდი მატება ენერგეტიკის სექტორში აღინიშნება, რაც მოსახლეობას განსაკუთრებით აწუხებს.

ბუნებრივი აირის ფასი წლიურად 154%-ით, ყოველთვიურად კი 14,2%-ით გაიზარდა. ამასთან,  წლიურად 56.7%-ით და თვიურად 8.8%-ით მოიმატა ელექტროენერგიის ფასმაც. 

გაიზარდა ასევე საწვავის ფასებიც. 

საგრძნობლად არის გაზრდილი ფასები საკვებზე. მაგალითისთვის წარმოგიდგენთ ფასების ზრდის პროცენტულ მაჩვენებელს წლიურად: 

🔹️ცხვრის და თხის ხორცი 17,6%-ით

🔹️ ზეთი 17,3%-ით

🔹️ზეითუნის ზეთი 15,4%-ით

🔹️ ბოსტნეული 14,4%-ით

🔹️კარტოფილი 12,3%-ით

🔹️ხილი 8,4%-ით

🔹️ხორცის პროდუქტები 7,4%-ით

🔹️მაკარონი,ფქვილი და სხვა მარცვლეული 7,1%-ით

🔹️ყვეკი 6,6%-ით

🔹️14,4% მაწონი (იოგურტი)

ასევე, 7%-ით გაიზარდა ტანსაცმლისა და ფეხსაცმლის ფასები. 13,5% იმატა ფასებმა სასტუმროს ნომრებზეც. 

ასევე საინტერესოა

🔴საბერძნეთში, ახალგაზრდამ სიცოცხლე თვითმკვლელობით დაასრულა, მანამდე კი წერილი დატოვა თუ როგორ დაეკრძალათ ის

🔴საბერძნეთში, განახევრდა ჯვრისწერის რაოდენობა და გაიზარდა თანაცხოვრების ხელშეკრულებები

🔴საბერძნეთში ქალმა, თავი კორონავირუსის დეზინფექციის სამსახურის თანამშრომლად წარადგინა და სახლიდან 4000 ევრო გაიტაცა