საბერძნეთში, 1 მაისიდან ვაქცინაციის სერტიფიკატის 1 ივნისიდან კი პირბადის ტარების ვალდებულება უქმდება!

საბერძნეთის ჯანდაცვის მინისტრმა თანოს პლევრისმა, აღდგომის შემდეგ, კორონავირუსის გავრცელების საწინააღმდეგო ზომების ეტაპობრივი გაუქმების გეგმაზე ისაუბრა.  

მისი განცხადებით, საბერძნეთში 1 მაისიდან 31 აგვისტომდე, ნებისმიერ,  როგორც ღია ასევე, დახურულ სივრცეში გადასაადგილებლად ვაქცინაციის სერტიფიკატის წარდგენისა და შემოწმების ვალდებულება უქმდება.  

როგორც მან აღნიშნა, ახლო მომავალში განიხილება ასევე ვაქცინაციის  ევროპული სერტიფიკატის, ქვეყანაში შემოსასვლელად  წარდგენის აუცილებლობის საკითხიც. 

ჯანდაცვის მინისტრის განცხადებით, საბერძნეთში 1 ივნისიდან უქმდება ასევე პირბადის ტარების ვალდებულებაც (გარკვეული გამონაკლისის გარდა. კონკრეტულად , რომელ გამონაკლისებზეა საუბარი მოგვიანებით გახდება ცნობილი).

ამასთანავე, 1 მაისიდან არავაქცინირებული  პირები სამუშაო ადგილებზე მისასვლელად კვირაში მხოლოდ ერთ სწრაფ ტესტს გაიკეთებენ. ( ამჯერად 2 ტესტია საჭირო )

შეგახსენებთ ასევე, რომ 15 აპრილიდან, 60 წელს გადაცილებულ არავაქცინირებულ მოქალაქეებს,  ყოველთვიური 100 -ევროიანი ჯარიმა აღარ დაეკისრებათ.

ჯანდაცვის მინისტრის განცხადებით აღნიშნული ზომების გაუქმების გადაწყვეტილება ძალაში რჩება 1 სექტემბრამდე, 1 სექტემბრიდან კი მათ კვლავ განიხილავენ, მიმდინარე ეპიდემიოლოგიური მდგომარეობის შესაბამისად. 

ასევე საინტერესოა

🔵 საბერძნეთის პრეზიდენტს კორონავირუსი დაუდასტურდა - როგორია მისი ჯანმრთელობის მდგომარეობა ?

🔵საბერძნეთში, 8 წლით პატიმრობა მიესაჯა დედას, რომელიც 3 შვილს სავალალო პირობებში ზრდიდა და მათხოვრობას აიძულებდა -"ვეუბნებოდი, რომ ტარაკნები პეპლები არიან"

🔵 9 წლის ჯორჯინა გარდაცვალებამდე ცოტა ხნით ადრე მამასთან ერთად მღერის - ბერძნული მედია ემოციურ ვიდეოს ავრცელებს