საბერძნეთში, აცრილი მოქალაქეებისთვის რეგულაციების დიდი ნაწილი მარტის ბოლომდე მოიხსნება

საბერძნეთში, კორონავირუსის საწინააღმდეგო რეგულაციები მხოლოდ ვაქცინირებული მოქალაქეებისთვის შემსუბუქდება.

ამის შესახებ, საბერძნეთის ჯანდაცვის მინისტრმა, თანოს პლევრისმა ისაუბრა.

მისი განცხადებით, ამ დროისთვის  არავაქცინირებულ მოქალაქეებისთვის, რაიმე ზომების შემსუბუქება არ განიხილება. ვაქცინირებულებისთვის კი მარტის ბოლომდე  ზომების უმეტესი ნაწილი მოიხსნება.

მინისტრმა ხაზგასმით აღნიშნა, რომ პირბადის ტარება და დისტანციის დაცვა არის "რბილი" ზომები რომლებიც ხელს არ უშლიან ნორმალურ ცხოვრებას. 

პარალელურად მან განმარტა, რომ არავაქცინირებულ მოქალაქეებზე ზომების შემსუბუქების საკითხი ამ ეტაპზე არ განიხილება:

"ამჯერად საუბარია მხოლოდ ვაქცინირებულ პირებისთვის რეგულაციების შემსუბუქებაზე, მათ ვინც აცრა არ გაიკეთა, გააკეთეს არჩევანი რომლითაც საფრთხეს უქმნიან საკუთარ თავს და საზოგადოებას". 

ჯანდაცვის მინისტრმა განაცხადა,  რომ სავარაუდოდ  მომდევნო 6 თვის განმავლობაში, ევროპაში სიტუაცია უკეთესისკენ შეიცვლება, რომელიც ძალიან ახლოს იქნება ნორმალურ ცხოვრებასთან, თუმცა აქვე  აღნიშნა, რომ არ არის გამორიცხული კორონავირუსი შემოდგომის პერიოდში კვლავ დაბრუნდეს, რისთვისაც თითქმის ყველა სახელმწიფოში, შესაბამისი მზადება მიმდინარეობს. 

საუბრისას მან კიდევ ერთხელ დაადასტურა, რომ ჩვეული ყოფა - ცხოვრების დაბრუნებასთან ძალიან ახლოს ვიმყოფებით.

ასევე საინტერესოა

🔵მამის მაგივრად, უცნობი ქალი დავმარხეთ“ - საბერძნეთში, საავადმყოფომ გარდაცვლილის ოჯახს, სხვისი ცხედარი გადასცა

🔵მითხარით, რომ ცოცხალი ვარ“ - საბერძნეთში გემზე გაჩენილი ხანძრის შედეგად დაკარგული 12 მგზავრიდან ერთი ცოცხალი იპოვეს

🔵საბერძნეთში, არავაქცინირებული პირები კოვიდ 19-ით ინფიცირების შემთხვევაში გადატანილი დაავადების სერტიფიკატს ვეღარ მიიღებენ