საბერძნეთში ერთ-ერთ სავაჭრო ქსელს, სპეკულაციისთვის ჯარიმა - 647 000 ევრო დაეკისრა

საბერძნეთის ერთ-ერთ, ცნობილ სუპერმარკეტების ქსელს, ჩადენილი სპეკულაციისთვის 647 000 ევრო - ჯარიმა დაეკისრა. 

საბერძნეთის განვითარების სამინისტრომ ქვეყანაში, სავაჭრო ბიზნესს ობიექტებზე სპეკულაციის საწინააღმდეგო შემოწმებები დაიწყო და  პროდუქციის, გადაჭარბებული მოგებისთვის, მის დაშვებულზე მაღალი ფასად გაყიდვის გამო რამდენიმე ბიზნესსუბიექტი უკვე დააჯარიმა. 

2022 წლის დასაწყისიდან 24 მარტამდე, დაჯარიმებულ 48 ბიზნესსუბიექტს შორისაა, ბენზინგასამართი სადგურები, სუპერმარკეტები, ხილ-ბოსტნეულის საბითუმო მოვაჭრეები, ხორცის მაღაზიები, ასევე დიაგნოსტიკური ცენტრები, აფთიაქები და ექიმის კაბინეტები, რომლებიც  Covid-19 ტესტირებისთვის დასაშვებზე გაცილებით მეტ საფასურს ითხოვდნენ.

გავრცელებული ინფორმაციით, ისტორიულად ყველაზე მაღალი 647 000 ევროს ოდენობის ჯარიმა, ერთ-ერთ ცნობილ სუპერმარკეტების ქსელს დაეკისრა.

ბაზრის კონტროლის განყოფილების (DIMEA) აუდიტორების მიერ ჩატარებული შემოწმების დროს დადგინდა, რომ სუპერმარკეტი კონკრეტულ პროდუქციას სარგებლის მიღების მიზნით, დაშვებულზე გადაჭარბებული მოგებით ყიდდა.  

სამინისტრო განცხადებაში აღნიშნავს, რომ ეს არის ყველაზე დიდი ჯარიმა, კომერციისა და მომხმარებელთა დაცვის გენერალური სამდივნოს ისტორიაში.  

საბერძნეთის განვითარების მინისტრის, ადონის გეორგიადისს განცხადებით, კანონი არ იძლევა დაჯარიმებული სუპერმარკეტის სახელის გასაჯაროების უფლებას. 

ასევე საინტერესოა

🔷ხვალ საბერძნეთში ქვეყნის დამოუკიდებლობის დღეს და ხარებას ზეიმობენის 

🔷ის პირველი ევროპელი ჩინოვნიკია, რომელმაც გადაწყვიტა,  მხარი დაუჭიროს ჩვენი ჰუმანიტარული დერეფნების მუშაობას მარიუპოლში - ზელენსკი, საბერძნეთის საგარეო საქმეთა მინისტრს მადლობას უხდის

🔷საბერძნეთში, ხორცის, ბოსტნეულის და პურის ფასი სავარაუდოდ კიდევ უფრო გაიზრდება