საბერძნეთში მომხდარი, გახმაურებული მკვლელობა, რომელშიც ბრალს ქართველს სდებდნენ, დოკუმენტური ფილმის სცენარი გახდა

საბერძნეთში, მომხდარი ყველაზე გახმაურებული მკვლელობა, რომელშიც  ეჭვმიტანილის სტატუსით საქართველოს მოქალაქე იყო დაკავებული, დოკუმენტური ფილმის სცენარი გახდა. 

17 თებერვალს, დიდ ბრიტანეთში შედგა, პრემიერა დოკუმენტური ფილმის სახელწოდებით  "კეროლაინი: მკვლელობა, რომელმაც მსოფლიო მოატყუა ".

Channel 5 -ზე ნაჩვენები 90 წუთიანი დოკუმენტური ფილმის თემა იყო კაროლაინ კრაუჩის მკვლელობა მისი პილოტი მეუღლის, ბაბის ანაგნოსტოპულოსის მიერ და მოვლენები, რომლებიც წინ უძღოდა მის სიკვდილს. მკვლელობის საქმეში ერთ-ერთ მთავარი მტკიცებულებას წარმოადგენდა ჩანაწერები დღიურიდან, რომელსაც ახალგაზრდა ქალი აწარმოებდა.

პრემიერამდე ბრიტანულმა Nationalworld.com-მა წარმოადგინა გახმაურებული მკვლელობის მთავარი მოვლენები და ისაუბრა კეროლაინ კრაუჩზე. გოგონა ლივერპულში დაიბადა და რვა წლის ასაკში, ბრიტანელ მამასთან დევიდ კრაუჩთან და ფილიპინელ დედასთან სუზანა დე ლა კუესტასთან ერთად  საბერძნეთში, კუნძულ ალონისოზე გადავიდა საცხოვრებლად. 

2021 წლის 11 მაისს კეროლაინი გარდაცვლილი იპოვეს ათენის მახლობლად მდებარე სახლში, სადაც ის ქმართან და პატარა ქალიშვილთან ერთად ცხოვრობდა.

შემთხვევის ადგილზე პოლიცია, კეროლაინის ქმარმა გამოიძახა, პოლიციამ ახალგაზრდა ქალი საწოლში გაგუდული აღმოაჩინა, დედის ცხედართან  იმყოფებოდა მისი 11 თვის ქალიშვილიც. ბავშვი უვნებელი იყო. 

33 წლის პილოტმა პოლიციას განუცხადა, რომ მათ სახლს თავს დაესხნენ უცხოელ, მძარცველთა ბანდა, რომლებმაც ის და მისი მეუღლე დააბეს, წინააღმდეგობის გაწევის გამო კი გაგუდეს. ხანგრძლივი გამოძიების შემდეგ, კეროლაინის ხელზე აღმოჩენილმა ბიომეტრიულიმა საათმა, რომელიც აფიქსირებდა კეროლაინის პულსს ცხადყო, რომ პილოტის ჩვენება არ შეესაბამებოდა სიმართლეს. 

მოგვიანებით, ათენის პოლიციის დეპარტამენტის მკვლელობების განყოფილებაში რვასაათიანი დაკითხვის შემდეგ, ანაგნოსტოპულოსი იძულებული გახდა ეღიარებინა, რომ კონფლიქტის შემდეგ, მან ცოლი 11 თვის ქალიშვილის თვალწინ  ბალიშით გაგუდა, რის შემდეგაც პასუხისმგებლობის თავიდან ასარიდებლად მოახდინა ძარცვის ინსცენირება. 

აღსანიშნავია ასევე, რომ პილოტის მიერ ცოლის მოკვლის შემდეგ მიცემული ცრუ ჩვენების შედეგად, საბერძნეთის პოლიციამ საქმეში ეჭვმიტანილად ცნო და დააკავა საქართველოს მოქალაქე, რომელსაც მოგვიანებით წარდგენილ ბრალდებაში უდანაშაულობა დაუმტკიცდა. 

ასევე საინტერესოა

🔵საბერძნეთში, იტალიურ საკრუიზო გემზე ხანძარი გაჩნდა - დაკარგულია 10 მოქალაქე, 2 კი ამ დრომდე გემზე იმყოფება

🔵ცვლილებები ათენის მეტროს სამუშაო გრაფიკში

🔵საბერძნეთის მთავრობამ რეგულაციების შემსუბუქების გადაწყვეტილება მიიღო - ნახეთ რა იცვლება 19 თებერვლიდან