საბერძნეთში, სუპერმარკეტიდან დაბრუნებულ ქალს სახლში მძარცველები დახვდნენ "ქამარი კისერზე მიაბეს და ფულს სთხოვდნენ"

ათენში, კალითიის დასახლებაში, მცხოვრებ ახალგაზრდა ქალს 27 აპრილს, დილით ნამდვილი კოშმარის გადატანა მოუწია, როდესაც სახლში დაბრუნებული, მძარცველებს პირისპირ გადაეყარა.

კალითეაში, ახალგაზრდა ქალი 27 აპრილს დილით სუპერმარკეტში გავიდა უკან დაბრუნებულმა კი მოულოდნელად მის წინ ორი მძარცველი აღმოაჩინა.

არსებული ინფორმაციით, მძარცველები ქალს ფიზიკურად გაუსწორდნენ, დააბეს ქამრით და მუქარით აიძულეს ეთქვა თუ სად ინახავდა ფულს და სხვა ძვირფასეულობას.

მოგვიანებით, როგორც დაზარალებულის ქმარმა ჟურნალისტებთან თქვა, მძარცველებმა მის მეუღლეს ქამარი კისერზე შეაბეს და ასე დაათრევდნენ იატაკზე მას, იმისათვის რომ ეთქვა თუ სად მალავდა ფულს. 

ბერძნული მედიის ცნობით, მძარცველები მსხვერპლის სახლში რამდენიმე წუთის განმავლობაში ეძებდნენ ძვირფასეულობას და ფულს, საბოლოოდ აღმოაჩინეს მცირე რაოდენობით თანხა და რამდენიმე ძვირფასი სამკაული, რის შემდეგაც სახლიდან გაიქცნენ ახალგაზრდა ქალი კი გულწასული, ქამრითა დაბმული დატოვეს.  

როგორც ირკვევა, პოლიცია ქალის მეუღლემ გამოიძახა, რომელიც მას სახლში შესვლის დროს ტელეფონზე ესაუბრებოდა.

"9.05 საათზე ადგა და სუპერმარკეტში წასასვლელად, სახლიდან გავიდა. კარები არ ჩაკეტა, მხოლოდ მიიხურა. 9.30საათზე  კი უკან დაბრუნდა. ტელეფონზე დამირეკა და მითხრა, რომ კარი ცოტა უცნაურად,  ოდნავ შეღებული დახვდა. იმ მომენტში მეტი ვერაფრის თქმა ვერ მოვასწარით, მაშინვე  ხმები მომესმა. თავი დამანებე,  რას აკეთებ? ამბობდა ჩემი ცოლი.  

კიდევ კარგი რომ ამ დროს ტელეფონზე ვსაუბრობდით, და პოლიციის გამოძახება მოვახერხე"- ამბობს დაზარალებულის მეუღლე.

ადგილზე მისულ პოლიციის გუნდს მძარცველები უკვე გაქცეულები დახვდათ. ახალგაზრდა ქალი კი შოკურ მდგომარეობაში იყო. 

მომხდართან დაკავშირებით  კალითეას პოლიცია წინასწარ გამოძიებას აწარმოებს. 

ასევე საინტერესოა

🔵მჟავით თავდასხმის შემდეგ იოანას პირველი სურათი ნიღბის გარეშე

🔵გარდაცვლილი სამი შვილის მამის სიმღერის კლიპი და საზოგადოების რეაქცია მასზე

🔵ახალი ვირუსი ბავშვებში, რომელიც კორონავირუსზე უფრო გადამდებია - ბერძენი პედიატრი მშობლებს სიფრთხილისკენ მოუწოდებს