„სამაგიეროდ ძალზე კარგი დრო დაუდგათ ლომებს, მშვილდოსნებს, ტყუპებს და მერწყულებს. აგრეთვე მათ, ვისაც ზოდიაქოს ამ ნიშნებში რაიმე პლანეტები ჰყავთ“ - ხათუნა ნოელი

ხვალ 21 მარტს, თბილისის დროით 21:24 წუთზე ვერძის 1*ზე გვაქვს ძალზე მნიშვნელოვანი ახალმთვარეობა. მნიშვნელოვანი, იმიტომ რომ ის ხსნის ახალ ერთწლიან ციკლს, ვინაიდან სწორედ ვერძის პირველ გრადუსზე მზის გადასვლით, გაზაფხულის ბუნიაობის დღეს დგება ხოლმე ასტრონომიული ახალი წელი. ახლა კი არა მხოლოდ მზე იწყებს თავის ახალ წლიურ ციკლს, არამედ მთვარეც. ეს ნიშნავს, რომ განახლებისა და გადატვირთვის ენერგია გაერთიანებულია და ისინი ერთად ქმნიან უნიკალურ კოსმიურ ენერგიას, რომელიც შეიძლება გამოიყენო საკუთარი სარგებლისთვის. დგება სიახლეების, ინიციატივების, ახალი ძიებების და წამოწყებების დრო. ბუნება იღვიძებს და მასთან ერთად უნდა გამოვიღვიძოთ ჩვენც.

უშუალოდ 21 მარტი და ასევე პერიოდი მომდევნო ახალმთვარეობამდე უმნიშვნელოვანესი ფუნდამენტი იქნება მთელი წლის მოვლენების განვითარების თვალსაზრისით. ამიტომ ეს დღე არავითარ შემთხვევაში არ უნდა დავიწყოთ ნეგატიურად, წუწუნით, უკმაყოფილების გამოხატვით. არასასურველია ჩხუბი, კონფლიქტები. უნდა მეტი პოზიტივი და ჰარმონია შევიტანოთ ცხოვრების რიტმში, მივუძღვნათ ეს დღე თვითგანვითარებას, გარშემომყოფებისათვის დახმარების გაწევას, სასარგებლო და კეთილ საქმეებს. მით უფრო რომ მზისა და მთვარესთან ახლა ნეპტუნიც შეერთებაში მოდის და სწორედ ჰუმანურობის, სულიერების, თანაგრძნობის გამოჩენისაკენ გვიბიძგებს. წინააღმდეგ შემთხვევაში ნეპტუნმა შეიძლება იმუშაოს როგორც ილუზიებმა, ფუჭმა იმედებმა, გარეშე ადამიანებისაგან მოტყუების მცდელობებმა...

აღსანიშნავია აგრეთვე, რომ მზისა და მთვარის გარდა, ვერძში ახლა იმყოფებიან მერკური, ქირონი და იუპიტერიც, რაც პლანეტების ნაწილობრივი პარადის მაჩვენებელია. სრული პარადები ძალზე იშვიათი მოვლენაა, თუმცა ამ ახალმთვარეობის მნიშვნელოვანებაზე ეს ნაწილობრივი იძლევა დასტურს. ვერძის ნიშანში ენერგიის ამხელა კონცენტრაციას შეუძლია ახალ, სრულიად განსხვავებულ ეპოქაში გადაგვანაცვლოს, მაგრამ ამისათვის ჯერ წინა პროგრამები და ვალდებულებები უნდა დავხუროთ. 

ვნახოთ, რა გვევალება:

საქართველოს მუნდანურ რუკაში (16/12-2018) ვერძის 1 გრადუსი ხვდება მე12 სახლში, რომელიც ყველაფერ დაფარულს (მათ შორის უცხო ქვეყნის ჯაშუშებსაც) უკავშირდება. ამიტომ ვფიქრობ, ცნობილი მოვლენების ექო მომდევნო მთვარის ფაზამდე ჯერ კიდევ აქტუალური იქნება. სამწუხაროდ ეს სახლი თავის თავში ბევრ კარგს არაფერს გულისხმობს, აქ შედის: სადაზვერვო და კონტრდაზვერვის სამსახურები, საიდუმლო შეთქმულებები, ფარული გარიგებები, პოლიტიკური მკვლელობები,დახურული ტიპის დაწესებულებები, გატაცება გამოსასყიდისთვის... ეტყობა ეს თემები გვაქვს დასახური და უკან მოსატოვებელი. 

ერთადერთი კარგი რაც ამ სახლს გააჩნია - ქველმოქმედებაა და მოდით ჩვენც მაქსიმალურად ეს თემა წამოვწიოთ წინ, იქნებ სხვა, ბევრად უფრო პრობლემურებისათვის აღარ დარჩეს მაშინ ადგილი.

რაც შეეხებათ ზოდიაქოს წარმომადგენლებს:

განსაკუთრებული დატვირთვა ამ ახალმთვარეობას რა თქმა უნდა ვერძებისათვის ექნება, ასევე თევზების ბოლო გრადუსზე დაბადებულებისთვისაც.

საყურადღებო იქნება მათთვის, ვის პირად რუკებშიც ვერძის, კირჩხიბის, სასწორის ან თხისრქის 1 გრადუსზე პლანეტა, ან რუკის მნიშვნელოვანი წერტილებია განლაგებული, ამ ადამიანებს სიფხიზლის გამოჩენა მართებთ, მინიმუმ მთვარის მომდევნო ფაზამდე ანუ სავსემთვარეობამდე. შესაძლოა ეს პერიოდი დაძაბულად წარიმართოს მათთვის.

სამაგიეროდ ძალზე კარგი დრო დაუდგათ ლომებს, მშვილდოსნებს, ტყუპებს და მერწყულებს. აგრეთვე მათ, ვისაც ზოდიაქოს ამ ნიშნებში რაიმე პლანეტები ჰყავთ.

ვინც არ ვახსენე, მათთვის ნეიტრალური პერიოდია.

აქვე მინდა აღვნიშნო, რომ ეს არის ზოგადი პროგნოზი, რომელშიც პირად რუკას აუცილებლად შეაქვს ხოლმე კორექტივები.

თქვენი ჰოროსკოპის, ინდივიდუალური პროგნოზის ან სხვა ასტროლოგიური მომსახურებისათვის შეგიძლიათ მომმართოთ პირადში.

ახლა კი თუ რატომ დევს სტატიის ფონზე გასაღებების და არა ახალი მთვარის სურათი:

ახალმთვარეობაზე როგორც იცით, კარგია სურვილების ჩაფიქრება. ჰოდა ამ ახალ მთვარეზე 21:24 -ზე რამე უხმარი გასაღები დაიჭირეთ ხელში, უკეთესი იქნება თუ ქირონის სიმბოლოს მსგავსი ფორმა ექნება და სურვილი ისე ჩაიფიქრეთ.   

გისურვებთ კეთილი სურვილები ყველას აგხდომოდეთ 

ასტროლოგი: ხათუნა ნოელი

მასალის გამოყენების პირობები





სხვა სიახლეები

1718208280

საზოგადოება

„დედაჩემთან არ მაქვს ურთიერთობა განსაკუთრებით, ბოლო თვეების განმავლობაში, ამ მოცემულობაში, ამორალური და მძიმეა ჩემთვის ამის მოსმენა“ - ნიკო მანაგაძე

„ვინმე ჭკუათმყოფელი ადამიანი ფიქრობს, რომ ვინმემ შეიძლება მოაწყოს თავდასხმა, თუკი არ აქვს გარანტია იმისა, რომ არ დაისჯება და არ არის კავშირში ხელისუფლებასთან, ეგ ხომ წარმოუდგენელია და ვინც ამ სიგიჟეს...

ნიკო მანაგაძე

1718208196

საზოგადოება

კალაძე საქართველოს ეროვნულ საფეხბურთო ნაკრებზე: დიდი იმედი მაქვს, რომ ჯგუფიდან გასვლას მოვახერხებთ, ძალიან დიდი შანსი გვაქვს ამის

დედაქალაქის მერი კახა კალაძე, პრემიერ-მინისტრ ირაკლი კობახიძესთან ერთად, საქართველოს ეროვნული საფეხბურთო ნაკრების წევრებს ქალაქ დიუსელდორფში შეხვდა და მათ ევროპის ჩემპიონატზე წარმატებები უსურვა. კახა...

მერი

1718207099

ახალი ამბები

განადგურდა ვენახები და ნათესები - ძლიერი სეტყვა კახეთში

თელავის მუნიციპალიტეტში ძლიერი სეტყვა იყო. ადგილობრივი მედიის ცნობით, ძლიერი წვიმა და სეტყვა რამდენიმე წუთის განმავლობაში გაგრძელდა. თელავის მუნიციპალიტეტის სოფლებში, სტიქიის შედეგად განადგურდა ვენახე...

სტიქია

1718206014

ახალი ამბები

გზების დეპარტამენტი განცხადებას ავრცელებს

საავტომობილო გზების დეპარტამენტის ინფორმაციით, ბაკურციხე-გურჯაანის საავტომობილო გზაზე ავტოტრანსპორტის მოძრაობა თავისუფალია. შეგახსენებთ, რომ ბაკურციხე-წნორის შემოვლითი ახალი გზის მშენებლობის პროექტის...

გზა

1718203517

საზოგადოება

„სირცხვილიას“ დეზინფორმაციული წერილის შემდეგ MASSIVE ATTACK-მა საქართველოში კონცერტი გააუქმა

„28 ივლისს საქართველოში დაგეგმილი MASSIVE ATTACK-ის კონცერტი გაუქმდა“, - ამის შესახებ განცხადებას Black Sea Arena „ფეისბუკის“ გვერდზე ავრცელებს. განცხადებაში კონცერტის გაუქმების მიზეზი არაა ახსნილი, მ...

MASSIVE ATTACK