“იტალიას დეპორტი აქვს, არ შეიყვანოთ ადამიანები შეცდომაში!” - ნონა მაჭარაშვილი

"არ არსებობს ქვეყანა, რომელსაც დეპორტი არ აქვს. არ შეიყვანოთ ადამიანები შეცდომაში!" - იტალიაში მცხოვრები ნონა მაჭარაშვილი, რომელიც გარდა იმისა, რომ ფსიქოკონსულტანტია, საემიგრაციო თემებზეც მუშაობს, მეტად მნიშვნელოვან ინფორმაციას ავრცელებს:

"როდესაც საქართველოს მოქალაქეებს რაიმე პრობლემა ექმნებათ იტალიის ტერიტორიაზე შემოსვლასთან, ან ბინადრობის სხვა თემებთან დაკავშირებით, ხშირად ვხედავ ფრაზებს კომენტარებში - "იტალიას დეპორტი არ აქვს" - ეს არასწორი ინფორმაციაა მეგობრებო და არ უნდა შეიყვანოთ შეცდომაში ადამიანები - არ არსებობს სახელმწიფო,რომელსაც დეპორტი არ აქვს!

იტალიას აქვს სამი განსხვავებული ტიპის გაძევება, შესაბამისი გასაჩივრებებით 
( მუხლები 13,15 და 16.საკანონმდებლო დადგენილება 23.7.1998 N 286/98 კონსოლიდირებული კანონი იმიგრაციის შესახებ):
1. ადმინისტრაციული გაძევება;
2. გაძევება უსაფრთხოების ღონისძიების სახით;
3.გაძევება, როგორც პატიმრობის ალტერნატიული სანქცია.

პირველი და მეორე გასაჩივრებას ექვემდებარება, თუმცა, შედეგი გასაჩივრებისა შესაძლებელია იყოს დადებით, ან  უარყოფითი. მესამე კი გასაჩივრებას არ ითვალისწინებს.

ვისი გაძევებაც თითქმის არ შეიძლება არიან:
18 წლამდე პირები, ბინადრობის მქონე უცხო ქვეყნის მოქალაქეები, მეოთხე ხარისხამდე ნათესავთან ან იტალიელ მეუღლესთან მცხოვრები, ორსულები. ამ კატეგორიის ადამიანების გაძევება შესაძლებელია მხოლოდ შსს ადმინისტრაციული ჩარიცხვით, რაც იშვიათი შემთხვევაა. 

ვისი გაძევებაც  არასდროს შეიძლება არიან ადამიანები, რომლებზეც თავის ქვეყანაში დაბრუნებისას შესაძლებელია განხორციელდეს დევნა რასის, სქესის, რელიგიის, პოლიტიკური შეხედულებების, პირადი და სოციალური პირობების გამო და  მის სიცოცხლეს ემუქრებოდა საფრთხე. 

წარმატებები ყველას მეგობრებო, ვრცელ ვერსიას ასოციაციის სახელით მოგაწვდით უახლოეს მომავალში," - წერს ნონა მაჭარაშვილი.