კურსები, ოჯახის დამხმარის (ბადანტე) პოზიციაზე მომუშავე ადამიანებისათვის

იტალიაში მოქმედი ასოციაცია „Centro servizi Geo House“, რომელიც ემიგრანტებს მომსახურების სხვადასხვა ტიპის სერვისს სთავაზობს, ახალ ინფორმაციას ავრცელებს: 

„Centro servizi Geo House“: დაგიბრუნდით ახალი და კარგი ამბით. მიმდინარეობს ახალი ჯგუფის დაკომპლექტება მონაწილეობის მსურველთათვის კურსებზე, რომელიც განკუთვნილია ოჯახის დამხმარეს პოზიციებზე მომუშავე ადამიანებისათვის.

გვახსოვდეს სწორი ინფორმაციის ნაკლებობა ან არ არსებობა, ადამიანებს გვიქმნის უამრავ დაბრკოლებას, განსაკუთრებით როცა საქმე ემიგრაციას ეხება. იცოდე შენი უფლებები, ვალდებულებები, ფლობდე მაქსიმალურ ინფორმაციას იმ სფეროში, რომელშიც გიწევს ყოველდღიურობა - იქნება ეს სამუშაო კონტრაქტი; უფლებები; მოვალეობები თუ ყოველდღიურობა, - ეს ჩვენი უფლებაა და ასევე ვალდებულებაც.

ინფორმირებული ემიგრანტი ნიშნავს ინტეგრირებულ ემიგრანტს! ინტეგრირებული ემიგრანტი - ეს უკვე იმ საზოგადოების სრულყოფილი წევრია, რომელშიც უწევს მას ცხოვრება.

სწორედ ამ მიზანს ემსახურებოდა პროექტი, რომელიც წარმატებით განხორციელდა გასული წლის ნოემბერსა და დეკემბრის თვეში - კურსები, ოჯახის დამხმარის პოზიციაზე მომუშავე ადამიანებისათვის.

პროექტის ორგანიზატორებია: ასოციაცია „DOMINA Associazione Nazionale Famiglie Datori di Lavoro Domestico assiste le famiglie“ და „Ente Bilaterale Nazionale Ebincolf“, რომელიც ხელს უწყობს ტრენინგებისა და პროფესიული კვალიფიკაციის ინიციატივებს, ახორციელებს ანალიზებს და სექტორულ კვლევებს სამუშაო სფეროში.

ასოციაცია „Centro servizi Geo House“, გახლავთ ორგანიზაცია, რომელიც უკვე 10 წელია აქტიურადაა ჩართული ემიგრანტების ინტეგრაციის პროცესში.

კურსები ჩატარდა კვალიფიციური ტრენერების მიერ - საემიგრაციოს ადვოკატი, ექიმი, საემიგრაციო საკითხების ექსპერტი, ფსიქოლოგი, ექთნის მიერ.

პროექტის დასრულების შემდგომ მონაწილეებს გადაეცემათ სერტიფიკატი. კურსები არის უფასო.

„Centro servizi Geo House“ მადლობას უხდის ყველას – ორგანიზატორებს, მომავალ მონაწილეებს, სტუმრებს ინტერესისა და ჩართულობისათვის.

ვფიქრობთ, რომ ინიციატივა აუცილებლად გაგრძელდება და კიდევ უფრო საინტერესო პროექტებით დაგიბრუნდებით 2023 წელს.

დეტალური ინფორმაციისთვის მოგვწერეთ ან დაგვირეკეთ: ტელ: 327 093 4122