როგორ ცხოვრობთ და რისი უფლებები გაქვთ “Asilo“-ს დროებითი დოკუმენტით

საემიგრაციო მედიაპლატფორმა Exclusivetv.ge მკითხველს სთავაზობს, იტალიაში პოლიტიკური თავშესაფრის, ე.წ. “Asilo“-ს შესახებ ინფორმაციას. რა ხდება და რა ინფორმაციას ვფლობთ დღეს „Asilo“-ს შესახებ, ამასთან დაკავშირებით ნეაპოლში მცხოვრები ქართველი მედიატორი ია ლალუაშვილი ისაუბრებს:

აზილო - ლტოლვილის საბუთი იტალიაში

ლტოლვილის მხრიდან თავშესაფრის მოთხოვნა ანუ აზილო, იტალიის ტერიტორიაზე შემოსვლისთანავეა შესაძლებელი, როგორც საზღვარზე ასევე საემიგრაციო სამსახურში.

საქართველოს მთავრობის განცხადების საფუძველზე, სადაც საქართველო წარმოდგენილ იქნა როგორც უსაფრთხო და ეკონომიურად მაღალ საფეხურზე მდგომ სახელმწიფოდ, ევროპამ, საქართველო საფრთხის შემცვლელი ქვეყნების სიიდან ამოიღო.

გამომდინარე აქედან, ის ქართველ ემიგრანტებს ვისაც „Asilo“-ს განაცხადი გაკეთებული ჰქონდათ, იტალიის „ქვესტურიდან“ ნეგატიურ პასუხებს იღებენ. 

იმ პირთა პრაქტიკებზე, რომლებმაც მოთხოვნა 2023 წლის 5 მაისამდე გააკეთეს, მეტი შანსია დადებითი პასუხი მიიღონ.

რაც შეეხება ნეგატიური პასუხის შემთხვევაში, პირს უფლება აქვს, ადვოკატის დახმარებით გაასაჩივროს უარყოფითი პასუხი, არაუმეტეს 15 დღისა (გააჩნია როდის გაქვს გაკეთებული მოთხოვნაზე განაცხადი). გასაჩივრება არის ხანგრძლივი პროცესი.

რა ხდება ამ დროს? როგორ ცხოვრობთ და რისი უფლებები გაქვთ?

იქიდან გამომდინარე რომ გასაჩივრების პროცესი ხანგრძლივ პერიოდს მოიცავს, თქვენ გეძლევათ დროებითი „პერმესო“, რომელსაც განაახლებთ ყოველ 6 თვეში შესაბამის სამსახურში. ამ საბუთით
შეგიძლიათ იქირაოთ ბინა და გააფორმოთ კონტრაქტი, ასევე შეგეძლებათ დადოთ სამუშაო კონტრაქტი,
გყავდეთ მკურნალი ექიმი და იცხოვროთ იმ საფრთხის გარეშე რასაც არალეგალის ცხოვრება ჰქვია.

თუ დროებითი „პერმესოს“ პირობებშ თქვენ ახერხებთ ინტეგრაციას და ყველა ზემოთ ჩამოთვლილ პროცედურას მიჰყვებით, განვლილი პერიოდი საბოლოოდ გეხმარებათ სასამართლოზე, სადაც ადვოკატი წარადგენს
თქვენს მიერ საზოგადოებაში ინტეგრირების დამადასტურებელ ყველა საბუთს, ასევე ეცდება მოსამართლე
დაარწმუნოს თქვენი პიროვნების მზაობაში, იცხოვროთ ევროპულ სახელმწიფოში და სარგებელი მოუტანოთ
ქვეყანას.

Exclusivetv.ge/იტალია

აგრეთვე დაგაინტერესებთ:

📌 რომში 168 უსახლკარო ადამიანი ღია ცის ქვეშ ცხოვრობს

📌 "პერმესო დი სოჯორნო" როგორც იქნა, შეზღუდვების გარეშე შემიძლია სამშობლოში დაბრუნება! - მედიის როლი ემიგრაციაში

📌 „სამხრეთ ტიროლიში თუ მოხვდებით და სეჩედას არ ნახავთ, ეს იგივეა, ფლორენციაში მოგზაურობდეთ და პიაცცალე მიქელანჯელო არ ნახოთ“ - მაია სიმონიშვილი