სინოპტიკოსები იტალიაში ამინდის გაუარესებას 4 იანვრიდან პროგნოზირებენ

სინოპტიკოსები უახლოეს დღეებში ამინდის ცვალებადობას პროგნოზირებენ. სამშაბათს, 4 იანვარს ამინდის ცვლილება შესამჩნევი იქნება იტალიის ჩრდილოეთით. მაღალი ატმოსფერული წნევა ფიქსირდება უკვე ერთი კვირის განმავლობაში სამხრეთ ევროპის ქვეყნებში და ნელ-ნელა ცენტრალურ ევროპასაც მოიცავს. ეს შეასუსტებს ტემპერატურას ჩრდილოეთ იტალიაში და 4 იანვრისთვის მოღრუბლულ ამინდს, ნისლს და წვიმის სახით მცირე ნალექს წარმოშობს.

ამინდის ცვლილება განპირობებულია ჩრდილო ანტლანტიკიდან შემომავალი ცივი ჰაერის მასებით და გაგრძელდება 7 იანვრამდე. ღრუბლიან ამინდს პროგნოზირებენ ჩრდილოეთ იტალიასა და ტოსკანაში, ასევე ალპებში. ლიგურიის ცენტრალურ-აღმოსავლეთ ნაწილში წვიმაა მოსალოდნელი, ტოსკანას მაღლობზე, ლომბარდო-ვენეტოს დაბლობსა და ფრიული ვენეცია ჯულიას მხარეს კი იწვიმებს საღამოს საათებში.

ალპების ცენტრალურ ნაწილში  თოვლია მოსალოდნელი. არარეგულარულ ღრუბლიანობას პროგნოზირებენ რეგიონებში: უმბრიაში, ლაციოში, კამპანიასა და ცენტრალურ აპენინებზე. ცენტრალურ-სამხრეთის დანარჩენ რაიონებში ძირითადად მზიანი ამინდი იქნება.

ინტენსიურ წვიმას ვარაუდობენ ჩრდილოეთ იტალიაში. უხვი თოვლია მოსალოდნელი ალპებში, განსაკუთრებით ცენტრალურ-აღმოსავლეთ სექტორში. გაძლიერდება სამხრეთის ქარი, რომელიც მოიცავს ცენტრალურ-სამხრეთ რეგიონებს. ტემპერატურა დროებით საშუალოზე მეტად მოიმატებს, თუმცა 6 იანვრისთვის ტემპერატურის კლებაა მოსალოდნელი. გაძლიერდება სამხრეთის ქარი, რაც ცივი ჰაერის მასების შემოსვლას განაპირობებს, განსაკუთრებით სამხრეთ იტალიაში.

ნონა გედენიძე სპეციალურად ExclusiveTV.ge-სთვის ემილია-რომანიადან