უნდა ჩააბაროთ თუ არა იტალიური ენის გამოცდა, იტალიის მოქალაქეობის მისაღებად

2018 წლიდან, იტალიის მოქალაქეობის მიღებასთან დაკავშირებით, კანონში შევიდა ცვლილება, რომლის თანახმადაც იტალიური ენის გამოცდის (დონე B1) ჩაბარება მოუწევს ყველას, იმის მიუხედავად მოქალაქეობაზე განაცხადს აკეთებს ქორწინების მოტივით, თუ ჩაწერის მიხედვით. ენის გამოცდის გადალახვის სერტიფიკატი წარდგენილი უნდა იყოს, განაცხადის გაკეთებისას.

ალტერნატივის სახით შესაძლებელია წარადგინოთ:

იტალიის განათლების სამინისტროს მიერ აკრედიტებული კერძო, ან სახელმწიფო სასწავლებლის ატესტატი/დიპლომი.

ასევე იტალიის განათლების სამინისტროს მიერ აკრედიტებული სასწავლებლების ცენტრების მიერ გაცემული ენის სერტიფიკატი. ესენია: დანტე ალიგიერის საზოგადოება (PLIDA), პერუჯას უნივერსიტეტი უცხოელებისთვის (CELI), სიენას უნივერსიტეტი უცხოელებისთვის (CILS), რომის უნივერსიტეტი ტრე უცხოელებისთვის (CERT.IT).

ვინ თავისუფლდება ენის გამოცდის ჩაბარების ვალდებულებისგან?

ესენი არიან პირები ვისაც აქვთ იტალიაში ცხოვრების ხანგრძლივი მოქმედების ნებართვა (Permesso di soggiorno di lungo periodo).

უცხო ქვეყნის მოქალაქეები, რომელთაც "ინტეგრაციის შეთანხმებაზე" აქვთ ხელი მოწერილი და რომლებიც იტალიის ტერიტორიაზე 2012 წლის შემდეგ არიან შემოსულები.