საბერძნეთში არაფერი არ უნდა გახსნილიყო, რადგან შემთხვევათა რაოდენობა ძალიან მაღალია - ბერძენი პროფესორები

პროფესორი დემოსთენის სარიგიანი, მწვავე შეშფოთებას გამოხატავს ქვეყანაში ზომების გაუქმების გამო. როგორც მან ტელეკომპანია mega-სა გადაცემაში საუბრისას აღნიშნა, საბერძნეთში აღდგომის  შემდეგ ვირუსის შემთხვევათა რაოდენობამ კვლავ მოიმატა, რაც ზომების შემსუბუქებამ გამოიწვია, სხვადასხვა ობიექტების გახსნამ და იმ ფაქტმა, რომ არ ხდება პირბადის სწორი გამოყენება.

მისი განცხადებით, ამ ეტაპზე ქვეყნის ეპიდემიოლოგიური მდგომარეობა არ იყო მზად ზომების შემსუბუქებისთვის.

პროფესორმა აქვე აღნიშნა, რომ მიმდინარე ვაქცინაციების „თვითტესტების“ ეფექტურობა ივნისში გახდება შესამჩნევი, რის შედეგადაც 1-2 ივნისიდან სავარაუდოდ დაიწყება ვირუსის შემთხვევათა დეესკალაცია.

აშშ – ს ექიმი და მკვლევარი გიორგოს პავლაკისი, იზიარებს პროფესორი დემოსთენის სარიგიანის შეფასებებს და ხაზს უსვამს, რომ აღდგომის შემდეგ საბერძნეთში არა მხოლოდ მოიმატა ვირუსის შემთხვევებმა, არამედ ზოგიერთ რეგიონში დაფიქსირდა ვირუსის რეკორდული რაოდენობა.

მისი განცხადებით,  წლევანდელ სააღდგომო დღესასწაულებს, ზომების შემსუბუქების გარეშე, შარშანდელი აღდგომის მოდელის მიხვდით უნდა ჩაევლო რაც გამოცდილი და ეფექტური იყო.

ტურიზმის გახსნასთან დაკავშირებით გიორგოს პავლაკისი აღნიშნავს, რომ საბერძნეთი ამ მონაცემებით კარგავს უპირატესობას. „შარშან საბერძნეთს ჰქონდა სერიოზული უპირატესობა სხვა ქვეყნებთან შედარებით, დღეისათვის მას ეს უპირატესობა არ გააჩნია“_ ამბობს პროფესორი და ხაზს უსვამს, რომ შემთხვევათა შემცირების მეთოდებზე მსჯელობის ნაცვლად ირგვლივ ყველა საუბრობს გახსნის აუცილებლობაზე რის გამოც ვირუსის რაოდენობამ კვლავ მოიმატა.  „მეტი კონტაქტი წარმოშობს მეტ ინფექციას“- განმარტა მან.