"ამ არასწორი ჩაცმულობით, საბოლოოდ იღებთ განვითარების შეფერხებას" - ნევროლოგის განმარტება, თუ რატომ არ უნდა შევფუთოთ ბავშვი ზამთარში

ნევროლოგმა ბაკურ კოტეტიშვილმა ქართველი მშობლების მიერ ბავშვების თბილად ჩაცმის არასწორ პრაქტიკაზე ისაუბრა და განმარტა, რატომ არის ეს დიდი შეცდომა:

​"ნებისმიერი შეკოჭვა, შებოჭვა, მოჭერა არის მოძრაობის შეზღუდვა. არცერთ ჩვენგანს არ აწყობს არანაირი მოჭერილი ტანსაცმელი.

ეს არის დისკომფორტი.

ბავშვს უნდა ჩავაცვათ, რაც შეიძლება ხალვათად, რაც შეიძლება მინიმალური ტანსაცმელი.

ბავშვის ტემპერატურა 10 ერთეულით მაღალია მოზრდილის ტემპერატურაზე.  გავრცელებული აზრი, რომ ბავშვს სცივა - სავალალოა.

ხდება გადახურება, ორგანიზმი აორთქლებს დიდი რაოდენობით სითხეს. როდესაც აორთქლება ვერ შველის, რთავს დაცვის სისტემას, რომელიც არის ოფლდენა. ოფლი არის მკვეთრი დანაკარგი როგორც სითხის, ასევე მინერალური მარილების.

ბევრი ჩაცმა ახასიათებთ განსაკუთრებით ღამე, საბნის ქვეშ. ​ მეუბნებიან „იხდის ბავშვი.“ რადგან იხდის, ე.ი. სცხელა. ამას ბევრი განმარტება არ უნდა.

აორთქლებული სითხე დიდი დეფიციტია ორგანიზმისთვის. ჩვილის სხეულის 92 % არის სითხე. რაც უფრო ასაკში შევდივართ, ვშრებით.

ასაკოვანმა ადამიანმა და ჩვილმა ერთნაირად რომ დაკარგონ სითხე, ბავშვისთვის უფრო სავალალოა, იმიტომ, რომ მოთხოვნილება არის ძალიან დიდი. ამას არავინ აქცევს ყურადღებას.

ნებისმიერი გამოშრობა იწვევს კუნთის ტონუსის დაქვეითებას, რაც მოძრაობით აქტივობას აქვეითებს.

ამ არასწორი ჩაცმულობით საბოლოოდ იღებთ განვითარების შეფერხებას“ – განაცხადა ნევროლოგმა ბაკურ კოტეტიშვილმა გადაცემაში „პირადი ექიმი მარი მალაზონია“.

სხვა სიახლეები:

🔵 პედიატრი: ომიკრონი როგორც კი დაუდასტურდებათ ბავშვებს, არის შიშები... როგორც წესი, სამ დღეში ბავშვები უკვე კარგად ხდებიან

🔵 "ვფიქრობ, პიკში ვიმყოფებით, „დელტას“ შემთხვევაში ბევრად მეტი იყო მძიმე პაციენტები, შედარებით ნაკლებია „ომიკრონის" შემთხვევაში" - ინფექციონისტი

🔵 საფრანგეთმა საქართველო “წითელი ზონის” ქვეყნების სიიდან ამოიღო

🔵 "სმენის დაქვეითება, რაც შეიძლება იყოს სხვადასხვა სახის" - "ომიკრონის" აქამდე უცნობი ეფექტი