"ანტიბიოტიკის გამოყენების შემდეგ/პარალელურად ჭკვიანურია პრობიოტიკების მიღება" - რა უნდა იცოდეთ ნაწლავზე და ტვინის კავშირზე

ახალი პერსპექტივები ნაწლავზე და ტვინზე: 

ნაწლავის გაწმენდა - ახლავე გეტყვით, რომ ძალიან არაჯანმრთელად ჟღერს სამედიცინო განათლების მქონე ადამიანისთვის.

ჩვენი ორგანიზმი თავად წმენდს, თუ რამე გასაწმენდია!

განსაკუთრებით ნაწლავი კი არის ძალიან სენსიტიური, მაღალკომპლექსური, სათუთად ორკესტრირებული მიკრიობიომის სისტემა, მილიარდობით ბაქტერიის საცხოვრებელი, რომელთა გარეშეც ჩვენ ვერ ვიქნებოდით ცხოვრებისუნარიანი.

ნაწლავში 10-ჯერ მეტი ბაქტერია ცხოვრობს, ვიდრე ჩვენ გვაქვს ადამიანური უჯრედი.

დიახ, ხელახლა გადაიკითხე - 10-ჯერ მეტი ბაქტერიაა ჩვენში, ვიდრე ჩვენივე უჯრედი!

შესაბამისად თუ ვინმე შემოგვთავაზებთ ნაწლავების გამწმენდ დიეტას ან მკურნალობას, მან არ იცის ელემენტარული ანატომია და ფიზიოლოგია!

ერიდეთ ასეთ სახიფათო და ზიანის მომტან ხალხს! ⛔

თან გაუფრთხილდით ფინანსებს!

ნაწლავს ძალიან უყვარს, როცა ჩვენ ვმოძრაობთ, აქტიურები ვართ (მაგრამ არა უშუალოდ ჭამის შემდეგ!)

ასე რომ ფეხით იარეთ, ლიფტი და ესკალატორები იშვიათად გამოიყენეთ, ორგანიზმის მადლობას კი მალევე მკაფიოდ იგრძნობთ.

ნაწლავის ბაქტერიებს ასევე უყვართ ბოსტნეული, ნიგოზი, ბურღულეული. თუ მათ ჩვენ მივცემთ ამას, ისინი მოგვცემენ უჯანმრთელეს ცხიმმჟავებს, როგორიცაა ბუტირატი, პროპიონატი და ასე შემდეგ

ნაწლავის ბაქტერიები, სხვა ფაქტორებთან კონტექსტში,  ასევე წყვეტენ, ჩვენ გვექნება თუ არა ჭარბი წონა, დიაბეტი, კრონის დაავადება თუ ასთმა, მაგალითად ბაქტერია სახელით Akkermansia muciniphila

მეგობარი ბაქტერია Faecalibakterium prauznitsii აუცილებელია თავად ნაწლავის ბარიერისთვის და გვიცავს ანთებითი პროცესებისგან.

ნაწლავის რეალური გაწმენდა ძალიან იშვიათად ხდება ექსტრემალურ სიტუაციებში

მაგალითად ნაწლავს ვცლით შიგთავსისგან კოლოსკოპიის (ნაწლავის შიგნიდან დათვალიერება სპეციალური შლანგისმაგვარი ინსრუმენტით - ენდოსკოპით) წინ, რომ ექიმმა კარგად დაინახოს ყველაფერი.

ან ძალიან მძიმე გასტროენტეროლოგიური დაავადებების დროს (ჰეპატოენცეფალოპათია, IBS Irritable Bowel Syndrom...) ხდება ლოკალურად მოქმედი ანტიბიოტიკებით ნაწლავის სელექტიური დეკონტამინაცია, ანუ გარკვეული ბაქტერიების მოკვლა.

გაგიკვირდებათ - ძალიან ეფექტურია განავლის გადანერგვა, ამ
მხრივ მიმდინარეობს ბევრი საინტერესო კვლევა.

ჯანმრთელი ადამიანის განავლის გადანერგვით ავადმყოფი ადამიანის ნაწლავში იკურნება ისეთი დაავადებები როგორიცაა კრონის დაავადება, გაღიზიანებული ნაწლავის სინდრომი და სხვა მრავალი

გაუფრთხილდით ნაწლავს, რადგან ის ჩვენი მეორე ტვინია და პირდაპირ ჩართულია პირველი, თავის ტვინის პროცესებში

ბედნიერების ჰორმონის სეროტონინის 95% პროცენტი სწორად ნაწლავში წარმოიქმნება. სეროტონინის კი განაგებს უმნიშვნელოვანეს ფუნქციებს.

✅ძილი
✅მადა
✅ტემპერატურა
✅განწყობა
✅ხასიათი
✅შიში / შფოთვა
✅სექსუალობა

ბევრი ნევროლოგიური თუ ფსიქოლოგიური/ფსიქიატრიული დაავადება, სინდრომი სწორად ნაწლავიდან მოდის / იმართება.

ამიტომაც არ შეიძლება ბანალური ინფექციების დროს რეფლექსურად ანტიბიოტიკების მიღება, რადგან ასე ვანადგურებთ წარმოუდგენელი მასშტაბით ნაწლავის ეკოსისტემას. 

შედეგი კი ხშირად ქრონიკული დაავადებებია კომბინაციაში ექიმებთან სიარულის ოდისეასთან.

ანტიბიოტიკის გამოყენების შემდეგ/პარალელურად ჭკვიანურია პრობიოტიკების მიღება!

ჯანსაღ ნაწლავში ჯანსაღი ფსიქიკაა!

ჯანმრთელობას და სულიერ სიმშვიდეს გისურვებთ!

წყარო:

ფეისბუკგვერდი "თქვენი ჰაუსი - მედიცინა და ფსიქოლოგია"

ასევე საინტერესოა:

📍უკრაინის შეიარაღებულმა ძალებმა, რუსული ტანკი T-90 სახელად "ვლადიმირი" გაანადგურა