მსოფლიოში ყველაზე დიდი აფრიანი გემი 2026 წელს გაცურავს

მატარებლის რელსებიდან ოკეანეებამდე: ფრანგული სასტუმროების ქსელი Accor აერთიანებს გემთმშენებელ კომპანიას Chantiers de l'Atlantique და გეგმავს მსოფლიოში ყველაზე დიდი მცურავი გემის აშენებას.

ძვირად ღირებული გემი Orient Express Silenseas 220 მეტრის სიგრძის იქნება და ის 2026 წელს გავა ექსპლოატაციაში. ამ დროისათვის ლიდერობს გიგანტური იახტა Azzam, რომელიც 2013 წელს აშენდა და მისი სიგრძე 180 მეტრს შეადგენს. 

გემი წარმოადგენს მდიდრული მატარებლის Orient Express-ის გაგრძელებას, რომელმაც მარშრუტი ჯერ კიდევ 140 წლის წინ პარიზიდან სტამბოლის მიმართულებით, შემდეგ კი კონსტანტინოპოლისკენ გაიარა. ამჟამად ადრინდელი გლამური რელსებიდან ოკეანეებში უნდა გადავიდეს. 

ძვირად ღირებული გემი შთაგონებულია გლამურული 1960-იანი წლების Côte d'Azur (კოტ-დ'აზურ (სანაპირო სამხრეთ საფრანგეთში)- დროით, როდესაც მხატვრები, პრინცესები და კინოვარსკვლავები მოგზაურობდნენ სენ-ტროპესა და კანის პლაჟებს შორის. „ბლუმბერგი“ უწყებით, გემი ხმელთაშუა და კარიბის ზღვის აუზში იცურებს და დაახლოებით 120 მგზავრს დაიტევს. გემის შიდა და გარე ინტერიერი ფრანგული დიზაინით იქნება გაფორმებული.

გემზე განთავსებული იქნება 54 ლუქს ოთახები, რომელთა საშუალო ზომა 70 მ2, მათ შორის საპრეზიდენტო ნომრების სიდიდე 1,415 მ2 და 530 მ2 სიდიდის ტერასებით. გემზე ასევე განთავსებული იქნება ორი საცურაო აუზი, ბარები და ამფითეატრი.

ფრანგებს გარემო და ეკოლოგიაზე ზრუნვა არ დავიწყებიათ. მეგა იახტა იმუშავებს ჰიბრიდულ ძრავზე, რომელიც უახლესი ტექნოლოგიის ძრავას აერთიანებს. ის თავდაპირველად თხევადი ბუნებრივი აირით და შემდეგ კი სახელმწიფოსგან გარკვეული ნებართვის მიღებისთანავე მწვანე წყალბადით და ქარის ენერგიით. საამისოდ განკარგულებაშია სამი იალქანი 1500 კვადრატული მეტრის ფართობით, აღმართული სამ დახრილ ანძაზე, რომელთა სიმაღლე 100 მეტრზე მეტია.

რომელი სატრანსპორტო საშუალებით გირჩევნია მოგზაურობა Orient Express-ის მატარებლით თუ გემით?

ამირან ხინიკაძე-ქადიეშვილი სპეციალურად ექსკლუზივისთვის გერმანიიდან