პასტა “კავატელი” ზღვის პროდუქტებით - მარტივი რეცეპტი

პასტა (მაკარონი) "კავატელი" ზღვის პროდუქტებით - Cavatelli ai frutti di mare

იტალიური სამზარეულო და განსაკუთრებით სამხრეთ იტალიური, წარმოუდგენელია ადგილობრივი ზღვის პროდუქტების გარეშე. რა თქმა უნდა მაკარონსაც გადასარევად ეწყობა. 
შეგიძლიათ ზღვის პროდუქტები სუპერმარკეტში ან თევზის მაღაზიაში უკვე გამზადებული, შერეული იყიდოთ: მიდიები, ხამანწკები, დიდი და პატარა კრევეტები, რვაფეხა და კალამარი. თუ არადა, უმი შეიძინოთ და მარილიან წყალში მოხარშოთ.

მომზადების წესი: ტაფაზე ვშუშავთ 1-2 კბილ ნიორს და ცოტა ოხრახუშს ზეითუნის ზეთში, ვყრით გარეცხილ, გადაწურულ ნახევარ კილო ზღვის პროდუქტებს და ვაგრძებთ შუშვას 5 წუთი, შემდეგ ვასხამთ თეთრ  ღვინოს და კიდევ 5 წუთი ვაცდით, რომ აორთქლდეს. სანამ სულ დაშრება, ცალკე თეფშზე გადავიტანოთ თავისი წვენიანად.

იგივე ტაფაში ჩავყაროთ 7-8 ცალი შუაზე გაჭრილი პომიდორი "ჩერი" და მაღალ ცეცხლზე ვშუშოთ 3-4 წუთი. შემდეგ ჩავამატოთ მოხარშული ზღვის პროდუქტები, ცოტა მარილი, პილპილი და მზადაა. 

მარილიან წყალში მოვხარშოთ "კავატელი". გადავწუროთ და ავურიოთ გამზადებულს მასას. სერვირებისას სურვილისამებრ მოვაყაროთ ოხრახუში და შავი პილპილი. გემრიელად მიირთვით!

ნატო როზომაშვილი