ვაშლის ძმარი - უნიკალური საშუალება სოკოს წინააღმდეგ

ძმარი უძლიერესი სამკურნალო საშუალებაა, რომელიც ეფექტურად მოგიგვარებთ ჯანმრთელობასთან დაკავშირებულ უამრავ პრობლემას.

ჩვეულებრივი თეთრი ძმარი ებრძვის ფეხის სოკოვან დაავადებებს, არასასიამოვნო სუნს, კანის სიმშრალეს, ქუსლებზე არსებულ ნახეთქებს.

უბრალოდ შეიზილეთ ძმარი ტერფებზე და შედეგიც დიდი ხნით არ დააყოვნებს. არ ინერვიულოთ ძმრის სუნზე, რადგან ის მალე გაქრება.

სტატიაში შემოგთავაზებთ ხალხურ საშუალებათა რეცეპტებს, რომელთა ძირითადი ინგრედიენტი ძმარია.

1. ძმარი დაღლილობის წინააღმდეგ

დაღლილობასა და ტკივილის განმუხტვაში დაგეხმარებათ შემდეგი ნარევი. აბაზანა აავსეთ, დაამატეთ 1 ჩ. ჭ. ზღვის მარილი, 1 ჩ. ჭ. ძმარი და ნახევარი ჩ. ჭ. ლავანდის ნაყენი. აბაზანა მიიღეთ 20-30 წუთის განმავლობაში.

2. ფეხის კანის სოკო

აიღეთ საშუალო ზომის თასი. ჩაასხით წყლისა და ძმრის ნარევი. ინგრედიენტები აიღეთ შემდეგი პროპორციების მიხედვით 1 ლ წყალზე 1/3 ჩ. ჭ. ვაშლის ძმარი. მომზადებულ ნარევში ჩაალბეთ ფეხები 15 წუთით. პროცედურების შემდეგ დაგიწყნარდებათ ქავილი, გათავისუფლდებით ანთებისგან და მოგეხსნებათ სხვა უსიამოვნო სიმპტომები.

პროცედურები გაიმეორეთ ყოველ დღე, 10 დღის განმავლობაში.

3. არასასიამოვნო სუნის წინააღმდეგ

ფეხის არასასიამოვნო სუნისგან რომ გათავისუფლდეთ მოამზადეთ აბაზანა 3 წილი წყალი და 1 წილი ძმარი. მომზადებულ ნარევში ჩაალბეთ ფეხები. შეგიძლიათ გამოიყენოთ ვაშლის ან თეთრი ძმარი. იმისათვის, რომ სუნს თავი სწრაფად დააღწიოთ დაამატეთ რამდენიმე წვეთი თიმის ზეთი.

4. მეჭეჭებისა და კოჟრების წინააღმდეგ

ძმარმჟავა მსუბუქი ამქერცლავი საშუალებაა. შედეგად კი გაგათავისუფლებთ კოჟრებისგან და მეჭეჭებისგან. თანაბარი რაოდენობით აიღეთ თეთრი ძმარი და ცხელი წყალი. შემდეგ ჩაალბეთ ფეხები. აგრეთვე შეგიძლიათ დაზიანებულ ადგილზე დაიფინოთ ძმარში გაჯერებული ბამბა, ამოიცვით პარკი, შემდეგ წინდები და გაიჩერეთ მთელი ღამით.

5. ფრჩხილის სოკოს წინააღმდეგ

2 წილი წყალი და 1 წილი ძმარი აურიეთ. მომზადებულ ნარევში 15 წუთით ჩაყავით ფეხები. უმჯობესია ვაშლის ძმარს თუ გამოიყენებთ, რადგან მას სოკოს საწინააღმდეგო შემადგენლობა აქვს.

პროცედურები გაიმეორეთ ყოველ დღე.

6. გამოიყენეთ ძმარი ფეხის რეგულარული მოვლისთვის

ყოველდღიურად ფეხები ჩაყავით 2 ლ თბილი წყლის, ¼ ჩ. ჭ. თეთრი ძმრისა  და რამდენიმე წვეთი თქვენთვის ხელმისაწვდომი ეთერზეთის ნარევში. ჩაალბეთ 45 წუთი, შემდეგ კი გაიხეხეთ ფრჩხილები პემზის ქვით.

თუ თქვენ ღია ჭრილობები და ნაკაწრები  გაქვთ არ მიიღოთ ძმრის აბაზანები. თუ თქვენ დიაბეტი ან სხვა რომელიმე დაავადება გაქვთ, რომლებიც გავლენას ახდენს სისხლის მიმოქცევაზე, სამწუხაროდ, უარი უნდა თქვათ ძმრის აბაზანების გამოყენებაზე.

გამოიყენეთ ეს ნატურალური პროდუქტი, რომელიც ეფექტურად მოგიგვარებთ ჯანმრთელობასთან დაკავშირებულ უამრავ პრობლემას.