დავიკელი 12 კილოგრამი, პრაქტიკულად ვერ ვიღებ საკვებს, მე კვირას ფეხების კონტროლი მთლიანად დავკარგე - მიხეილ სააკაშვილი

საქართველოს მესამე პრეზიდენტმა მიხეილ სააკაშვილმა სასამართლო სხდომაზე საკუთარი ჯანმრთელობის მდგომარეობის შესახებ ისაუბრა.

როგორც მან განაცხადა, ბოლო დღეების განმავლობაში 12 კილოგრამი დაიკლო, ვერ იღებს საკვებს და კვირას ფეხების კონტროლიც მთლიანად დაკარგა.

„თქვენ იცით, რომ გორის ჰოსპიტალში ვითომ მკურნალობა იყო სრული ბლეფი, იმიტომ, რომ კვების აღდგენის პროგრამა მთლიანად ჩავარდა. მე ახლა ვარ იმავე წონაზე, რაც ვიყავი შიმშილობის ყველაზე კრიტიკულ პერიოდში. ბოლო დღეების განმავლობაში დავიკელი 12 კილოგრამი, პრაქტიკულად ვერ ვიღებ საკვებს, ალბათ ამან გამოიწვია, თუ რამ არ ვიცი, მე კვირას ფეხების კონტროლი მთლიანად დავკარგე. ეს იწვევს მცირე ტკივილებს ფეხებში, რისი მოხსნაც ტკივილგამაყუჩებლებით ხდება. შემიძლია ვთქვა, რომ რესპუბლიკურ საავადმყოფოში ნახეს და თქვეს რომ სიტუაცია არის მძიმე, გორის ჰოსპიტალი ყველაფერი იყო სამკურნალო დაწესებულების გარდა, იქიდან უარესი მდგომარეობით დავბრუნდი ბევრი გაგებით, ვიდრე მიმიყვანეს. რა თქმა უნდა, საპატიმრო არაა მორგებული რამის სამკურნალოდ, ეს გასაგებია, მაგრამ მადლობელი ვარ იქაური ექიმების, რაც შეუძლიათ აკეთებენ. მადლობელი ვარ აქაური ექიმისაც, რომელმაც სხდომის დაწყების შემდეგ მდგომარეობიდან გამომიყვანა, წამერთვა ხელახლა მგრძნობელობა და ვერ შევძლებდი სხდომის გაგრძელებას თუ არა ძლიერი ტკივილგამაყუჩებელი, რომელიც ნემსით გამიკეთდა,“- განაცხადა სააკაშვილმა.

ასევე წაიკითხეთ:

🔵 მიხეილ სააკაშვილი სასამართლო პროცესზე შეუძლოდ გახდა და ექიმის დახმარება დასჭირდა

🔵 მამა შალვა კეკელია მოვიდა და დაჩოქილმა წაუკითხა ლოცვა - ავარიის შედეგად დაშავებული დათი ისრაელში მკურნალობს