"საერთაშორისო გამჭვირვალობა საქართველო": ქვეყანაში ნარჩუნდება მაღალი დონის კორუფცია

"საერთაშორისო გამჭვირვალობა საქართველო" კორუფციასთან ბრძოლის საერთაშორისო დღეს ეხმაურება და აცხადებს, რომ საქართელოში ნარჩუნდება მაღალი დონის კორუფცია.

"9 დეკემბერი კორუფციასთან ბრძოლის საერთაშორისო დღეა

ე.წ. წვრილმან კორუფციასთან ბრძოლაში მოპოვებული მიღწევები დღესაც ნარჩუნდება, თუმცა, ქვეყანაში

საგანგაშოდ ძლიერდება კორუფციის უფრო კომპლექსური გამოვლინებები:

• მაღალი დონის კორუფცია

• სახელმწიფოს მიტაცება

ბოლო წლებში, ქვეყანაში არსებული კორუფციის შემაკავებელი მექანიზმები ვერანაირ წინააღმდეგობას ვერ უწევს კორუფციის ამ გამოვლინებებს.

საქართველოს ხელისუფლებას არც 2021 წელს გადაუდგამს სათანადო ნაბიჯები ქვეყნის ანტიკორუფციული სისტემის, კანონმდებლობისა და პოლიტიკის ხარვეზების აღმოსაფხვრელად.

ასე გაგრძელების შემთხვევაში, კორუფციის დონის მატებას უნდა ველოდოთ. ამ სცენარის თავიდან ასაცილებლად ხელისუფლებამ:

უნდა შექმნას დამოუკიდებელი ანტიკორუფციული სააგენტო

უზრუნველყოს პროკურატურის დამოუკიდებლობა

გადადგას რეალური ნაბიჯები სასამართლო სისტემის რეფორმირებისთვის.

მნიშვნელოვანია, რომ ხელისუფლებამ აღიაროს პრობლემის არსებობა და გამოავლინოს გაბედული რეფორმების განხორციელების პოლიტიკური ნება.

#არაკორუფციას

#ერთადკორუციისწინააღმდეგ"- აღნიშნავენ ორგანიზციაში.

https://transparency.ge/ge/post/gancxadeba-korupciastan-brzolis-saertashoriso-dgestan-dakavshirebit-0

ამავე თემაზე:

🔵 "კორუფციასთან ბრძოლის წინააღმდეგ საქართველო ევროპის საუკეთესო ოცეულში და მსოფლიოს საუკეთესო 30 ქვეყანას შორის დასახელდა" - ირაკლი ღარიბაშვილი