უკრაინა მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას - უკრაინის საგარეო უწყება

უკრაინის საგარეო საქმეთა სამინისტრო საქართველოში რუსეთის შეჭრის 14 წლისთავთან დაკავშირებით განცხადებას ავრცელებს.

როგორც მეგობარი ქვეყნის განცხადებაშია ნათქვამი, უკრაინა მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას.

"7 აგვისტოს 14 წელი შესრულდა რუსეთის ფედერაციის მიერ საქართველოს წინააღმდეგ შეიარაღებული აგრესიის დაწყებიდან. თითქმის ათწლინახევრის შემდეგ რუსეთი აგრძელებს აგრესიულ პოლიტიკას საქართველოს წინააღმდეგ, აფხაზეთი და ცხინვალის რეგიონი კვლავ რუსეთის მიერ არის ოკუპირებული, უხეშად არღვევს ადამიანის უფლებებს საქართველოს ამ ტერიტორიებზე.

უკრაინა მტკიცედ უჭერს მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში.საქართველოს წინააღმდეგ მსოფლიო საზოგადოებისგან არასათანადო პასუხის შემდეგ, 2014 წელს რუსეთმა გააგრძელა აგრესიული ქმედებები უკრაინაში - მოახდინა ყირიმისა და დონეცკისა და ლუჰანსკის რეგიონების ნაწილობრივი ოკუპაცია, და 2022 წლის 24 თებერვალს დაიწყო სრულმასშტაბიანი ომი უკრაინის წინააღმდეგ.ჩვენ დარწმუნებულები ვართ, რომ შესაძლებელია რუსეთის ფედერაციის აგრესიული პოლიტიკის შეჩერება საერთაშორისო საზოგადოების ერთობლივი ძალისხმევით, რუსეთის წინააღმდეგ სანქციების რეჟიმებთან მკაფიო დაცვით და იმ ქვეყნების ყოვლისმომცველი მხარდაჭერით, რომლებზეც მოსკოვი ახორციელებს აგრესიას

.რუსეთმა უნდა მოახდინოს საქართველოსა და უკრაინის ტერიტორიების ნაწილის დეოკუპაცია, ხოლო რუს სამხედრო დამნაშავეებს უნდა დაეკისროთ უმკაცრესი პასუხისმგებლობა", - წერია უკრაინის საგარეო საქმეთა სამინისტროს მიერ გავრცელებულ ინფორმაციაში.

ასევე დაგაინტერესებთ:

🔵 „ქართველები ომში მაშინ დავმარცხდებით, როდესაც რუსების შემოსევაზე დავხუჭავთ თვალს და ვიგუებთ“ - დომენიკ მანგო

🔵 „რუსეთი არ ასრულებს ევროკავშირის შუამავლობით დადებულ 2008 წლის 12 აგვისტოს ცეცხლის შეწყვეტის შეთანხმებას და აფართოებს საკუთარ უკანონო კონტროლს ოკუპირებულ რეგიონებში“

🔵 “დედა შვილს აუყვირდა და ჩემზე მიუთითა, თუ არ ისწავლი, შენც ასე მოგიწევს “ტაჩკების” თრევა” - პოლონეთში მცხოვრები ქართველი