21-ე საუკუნე შეიძლება ახალი ინფექციების საუკუნე გახდეს - ამირან გამყრელიძე

„21-ე საუკუნე შეიძლება ახალი ინფექციების საუკუნე გახდეს“, - ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა.

მისი თქმით, საზოგადოება დაცული უნდა იყოს ჯანდაცვის რისკებისგან და აღნიშნული რისკების მინიმალიზაცია უნდა მოხდეს.

გამყრელიძის განმარტებით, საქართველომ სერიოზული ნაბიჯები გადადგა იმუნიზაციის თვალსაზრისით, მაგრამ გასაკეთებელი ძალიან ბევრია.

„რეალური ომი არის დღეს მიკროსამყაროსთან. მსოფლიო არ იყო მზად ამ დიდი გამოწვევისთვის და დგება ახალი გეგმები 21-ე საუკუნეში, იმიტომ, რომ ეს არ იქნება პრეცედენტი. 21-ე საუკუნე შეიძლება გახდეს კიდევ ახალწარმოქმნილი სხვა ვირუსული ან არავირუსული ინფექციების გაჩენის საუკუნე.

ჩვენი მთავარი მისიაა, რომ ვემსახუროთ ქვეყანას და საზოგადოება დაცული იყოს ჯანდაცვითი რისკებისგან და მოვახდინოთ ამ რისკების მინიმალიზაცია.

საქართველომ სერიოზული ნაბიჯები გადადგა იმუნიზაციის თვალსაზრისით, მაგრამ გასაკეთებელი ძალიან ბევრია. გამოწვევებიც ბევრია, ამიტომაც ჩვენი მუშაობის საზოგადოებასთან შესაბამისად მიტანაში ბევრი ნაკლია, რაც გამოსასწორებელია და მხედველობაში მისაღები,” – განაცხადა ამირან გამყრელიძემ.

დაავადებათა კონტროლისა და საზოგადოებრივი ჯანმრთელობის ეროვნულმა ცენტრმა 2 წლის მუშაობის ანგარიში წარადგინა. ღონისძიებას  დაესწრო საქართველოს ჯანდაცვის მინისტრი ეკატერინე ტიკარაძე.

ასევე დაგაინტერესებთ:

🔵 "კორონავირუსი არ არის წითელა, რომ გადაიტანო და მთელი ცხოვრება თავისუფალი იყო" - ივანე ჩხაიძე უვადო "მწვანე სტატუსზე"

🔵 მათ ვისაც კორონავირუსი აქვს გადატანილი "მწვანე პასპორტი" უვადოდ შეუნარჩუნდებათ