9 წლიანი პატიმრობა 20 ლარის გამო - 35 წლის პატიმარი 3 კვირაა შიმშილობს

9 წლით 35 წლის იოსებ ელოვი ციხეში 20 ლარის გამო და ერთი მოწმის ჩვენებით გაუშვეს. პატიმარი ქსნის ციხიდან შველას ითხოვს. ყაჩაღობის მუხლით გასამართლებული პროტესტის ნიშნად უკვე 3 კვირაა შიმშილობს.

მსჯავრდებული ამტკიცებს, რომ ის უკანონო პატიმარია და ვიდრე საქმეს არ გადახედავენ შიმშილობას არ შეწყვეტს.

ინფორმაციას ამის სესახებ "ტვ პირველი ავრცელებს"

იოსებ ელოევს გამოძიება ბენზინგასამართ სადგურის, მოლარეზე დანით თავდასხმასა და 20 ლარის გატაცებას ედავება. საქმის მასალებში, რომელიც ტვ "პირველებმა" მოიპოვა, მთავარ მტკიცებულებად მხოლოდ დაზარალებულის ორჯერ შეცვლილი ჩვენება დევს.

დაზარალებული ჰყვება, რომ თავს ჯერ ელოევი, შემდეგ კი სამი პირი დაესხა და დაზიანებები მიაყენეს. საპირისპიროს ამტკიცებს ექსპერტიზის დასკვნა,  სადაც წერია, რომ დაზარალებულის სხეულზე ელოევის დნმ-ის კვალი არ აღმოჩნდა.

ყაჩაღობის საქმეში დევს სათვალთვალთვალო კამერის ჩანაწერებიც. მასალაში თავდასხმის მომენტი ასახული არ არის. ვიდეოკადრებში ჩანს, როგორ ტოვებს იოსებ ელოევი და მისი ორი მეგობარი ტერიტორიას ისე, რომ გაქცევას არც ერთი მათგანი არ ცდილობს.

ერთ-ერთი ახალგაზრდა რომელიც ვიდეოკადრებში ჩანს იოსებ ელოევის მეგობარი და ოქროს მოწმეა. ახალგაზრდა კაცი ამტკიცებს, რომ მეგობრებს ბენზინგასამართ სადგურზე ოპერატორთან მხოლოდ შელაპარაკება მოუვიდათ. მოგვიანებით კი  პოლიციამ უმძიმესი ბრალდებით მხოლოდ მათი  მეგობარი დააკავა.

პირი, რომელიც წესით ყაჩაღობის თანამონაწილეა გამომძიებლებმა მხოლოდ ორჯერ გამოკითხეს. ახალგაზრდა ამბობს, რომ პოლიციის უფროსმა მისთვის სასურველი ჩვენება იძულებით მიაცემინა.

მსჯავრდებულის ოჯახს ეჭვი აქვს რომ იოსებ ელოევი გამოძიებამ შეკერილი საქმით ანგარიშსწორების გამო დააკავა. ელოევი წარსულში ნასამართლევია და სამართალდამცველები მას მუდმივად აშანტაჟებდნენ. მათივე მტკიცებით, თანამშრომლობას სთავაზობდნენ და უარის თქმის შემდეგ ქვეყნის დატოვებასაც აიძულებდნენ. 

ასევე დაგაინტერესებთ:

🔵პოლონეთში დააკავეს ქართველები, რომლებიც მანქანებს მასობრივად ქურდავდნენ - დაკავებულებს 10 წლამდე პატიმრობა ემუქრებათ

🔵აშშ-ის პრეზიდენტ ჯო ბაიდენს COVID-19 დაუდასტურდა

🔵დააკავეს 23 წლის ბიჭი, რომელმაც დედა და მისი მეგობარი კაცი დაჭრა - კაცი საავადმყოფოში გარდაიცვალა