დაღუპულთა ხსოვნის პატივსაცემად 26 მაისის ქუჩაზე მოქალაქეებს, ყვავილები და სათამაშოები მიაქვთ

საქართველო 8 გარდაცვლილს გლოვობს, რომელთა შორის სამი არასრულწლოვანია. ისინი, გუშინ დაახლოებით დღის 12:00 საათისთვის 7 სართულიანი კორპუსის ჩამონგრევის შედეგად დაიღუპნენ.

26 მაისის ქუჩაზე, სადაც ამ წუთებშიც მიმდინარეობს სამძებრო-სამაშველო სამუშაოები მიდიან მოქალაქეები, მიაქვთ ყვავილები და სათამაშოები დაღუპულთა ხსოვნის პატივსაცემად.

მეხანძრე-მაშველები 26 მაისის ქუჩაზე, ბინის ნანგრევებში ამ დრომდე მუშაობენ. ბოლო მონაცემებით, ისინი ნანგრევებში კიდევ ერთ ადამიანს ეძებენ. გავრცელებული ინფორმაციით, მამაკაცი, რომელსაც ამ დრომდე ეძებენ, კორპუსის სადარბაზოში ნგრევამდე რამდენიმე წამით ადრე შევიდა.

პრემიერ-მინისტრ ირაკლი ღარიბაშვილის ინიციატივით, დაღუპულთა ხსოვნის პატივსაცემად, ორშაბათი, 11 ოქტომბერი გლოვის დღედ გამოცხადდება.

ბათუმში მომხდარი ტრაგედიის გამო "ქართული ოცნება" 12 ოქტომბრამდე ყველა საარჩევნო-პოლიტიკურ აქტივობას წყვეტს. ამასთან, ტრაგედიის გამო, ბათუმში დღეს დაგეგმილი საქართველო-საბერძნეთის საფეხბურთო მატჩი მაყურებლის გარეშე ჩატარდება
 
ბათუმში, 26 მაისის ქუჩაზე, სადაც საცხოვრებელი კორპუსის სადარბაზო ჩამოინგრა, სამძებრო-სამაშველო ღონისძიებები გრძელდება. სადარბაზო 8 ოქტომბერს, დაახლოებით, 12:00 საათზე ჩამოინგრა.

ბოლო მონაცემებით, ბათუმში მომხდარი უბედური შემთხვევის შედეგად მსხვერპლი 8-მდე გაიზარდა. ნანგრევებიდან მაშველების მიერ ამოყვანილი კიდევ ერთი მოქალაქე საავადმყოფოში, მართვით სუნთქვაზე რჩება. შსს-ს ინფორმაციით, ინტენსიურ რეჟიმში გრძელდება, ამ დრომდე კიდევ ერთ ადამიანს ეძებენ. შინაგან საქმეთა სამინისტრომ ბათუმში საცხოვრებელი კორპუსის ნგრევის ფაქტზე მიმდინარე გამოძიების ფარგლებში სამი პირი დააკავა.
 

ფოტოები: "ბათუმელები"
 

ამავე თემაზე:

„გაუსაძლისია იმის ყურება, როცა ხედავ მძიმე ტექნიკა როგორ ეზიდება ადამიანთა წარსულს“ - საზოგადოების რეაქცია