"დაუშვებელია ადვოკატის გაიგივება კლიენტთან, რადგან ადვოკატი იცავს ბრალდებულს ეს არ ნიშნავს, რომ იგი ამართლებს მას" - ზაქარია გვიშიანი ფეხმძიმე ცოლის მკვლელობაში ბრალდებულის ადვოკატზე წერს

ადვოკატი, ზაქარია გვიშიანი სოციალურ ქსელში პოსტს აქვეყნებს, სადაც საზოგადოების მხრიდან ადვოკატზე თავდასხმას ეხმიანება:

"მინდა გამოვეხმაურო თბილისში მომხდარ სასტიკი მკვლელობის ფაქტს (ფეხმძიმე მეუღლის მკვლელობა).

აღნიშნულ საქმეზე საზოგადოების თავდასხმისა და არნახული შეურაცხოფის ობიექტია ბრალდებულის ადვოკატი.

რა თქმა უნდა მომხდარ ფაქტს არანაირი ფორმით გამართლება არ გააჩნია, მაგრამ სამწუხაროა ის მოცემულობა რომ ჩვენი საზოგადოება ოდნავაც ვერ გაიზარდა სამართლებრივად და მორალურად.

მინდა მივმართო იმ პირებს ვინც აკრიტიკებს ადვოკატს, რომ:

1. დაუშვებელია ადვოკატის გაიგივება კლიენტთან;

2. ადვოკატი ამ შემთხვევაში იცავს მისი დაცვის ქვეშ მყოფის კანონიერ ინტერესებს და ეს არ ნიშნავს, რომ ამართლებს მისი დაცვის ქვეშ მყოფის შესაძლო, დანაშაულებრივ ქმედებას (რასაც საბოლოოდ სასამართლო დაადგენს).

3. ქმედების ხასიათიდან გამომდინარე, შესაძლოა ბრალდებული იყოს ფსიქიკურად დაავადებული (რა დროსაც პირი ვერ აცნობიერებს მის ქმედებებს და არ შეუძლია კონტროლი გაუწიოს მას).

4. ამ შემთხვევაში ადვოკატი წარმოადგენს საზოგადოებრივ ადვოკატს და სავალდებულოა მისი მხრიდან ადვოკატირება (რადგანაც დანაშაული ითვალისწინებს სავალდებულო დაცვას).

საქმეში ჩართული ადვოკატი არის ღირსეული ადამიანი და მისი საქმის პროფესიონალი, მასაც ჰყავს შვილი და იქნებ დაფიქრდეთ კრიტიკის დაწყებამდე თუ რა ზიანს აყენებთ ამ ადამიანს", - წერს გვიშიანი.

სხვა სიახლეები:

🔳 

🔳 ორსული ცოლის მკვლელობაში ბრალდებულს უვადო პატიმრობა ემუქრება - პროკურატურამ განსაკუთრებული სისასტიკით მეუღლის განზრახ მკვლელობისთვის დაკავებულს კაცს ბრალდება წარუდგინა

🔳 "საქართველო, Merck-ის და Pfizer-ის მიერ წარმოებულმა კორონავირუსის საწინააღმდეგო აბების მიმღებთა ათეულშია" - თენგიზ ცერცვაძე

🔳 "ვაკეთებ ჯადოს 20 ლარად" - ინგა გრიგოლია

🔳 კახა კალაძე: დიდია ჩვენი ეკლესიისა და ქვეყნის წინაშე უწმინდესის ღვაწლი

🔳 "ოთხი წელია სტატუსი არ დამიწერია, ერთი ტრაგიკული მოვლენის შემდეგ, მაგრამ დღეს სხვა გზა აღარ დამრჩენია" - რას წერს რეჟისორი პაატა ციკოლია