"საქართველო, Merck-ის და Pfizer-ის მიერ წარმოებულმა კორონავირუსის საწინააღმდეგო აბების მიმღებთა ათეულშია" - თენგიზ ცერცვაძე

ინფექციური საავადმყოფოს ხელმძღვანელმა, თენგიზ ცერცვაძე აცხადებს, რომ საქართველო იქნება იმ ქვეყნებს შორის, ვინც Merck-ის და Pfizer-ის მიერ წარმოებულმა კორონავირუსის საწინააღმდეგო აბებს მიიღებს.

ცერცვაძის თქმით, ეს არის კონფიდენციალური ინფორმაცია, მაგრამ მოლაპარაკებები აღნიშნული აბების საქართველოში ჩამოტანასთან დაკავშირებით, ჯერ კიდევ მაშინ დაიწყო, როცა მათი არსებობის შესახებ, ძალიან ვიწრო წრემ იცოდა.

"Merck-ის და Pfizer-ის მიერ წარმოებულმა კორონავირუსის საწინააღმდეგო აბებმა აშშ-ის წამლისა და საკვების ადმინისტრაციის (FDA) რეკომენდაცია მიიღეს.

Pfizer-ის მიერ წარმოებული „პაქსლოვიდი“ 89%-ით ამცირებს ჰოსპიტალიზაციას და სიკვდილობას, თუ პირველივე დღეებში მივცემთ მას პაციენტს, ხოლო Merck-ის პრეპარატი „მოლნუპირავირი“ – 30%-ით, მაგრამ ესეც კარგია", - აცხადებს, თენგიზ ცერცვაძე.

ინფექციური საავადმყოფოს ხელმძღვანელი ამბობს, რომ საქართველო, აბების მიმღებთა ათეულშია.

"გარკვეულწილად ეს კონფიდენციალური ინფორმაციაა, მაგრამ მინდა გითხრათ, რომ ჯანდაცვის სამინისტრომ ამ მედიკამენტებზე მოლაპარაკებები დაიწყო ჯერ კიდევ მაშინ, როცა მათი არსებობის შესახებ ძალიან ვიწრო წრემ იცოდა.

მოხდა ისე, რომ ჩვენ სხვადასხვა არხით გავიგეთ, რომ ამ მედიკამენტზე მუშაობა საწყის ეტაპებზე იყო.

ამიტომ თუ ვაქცინების მიღებისას საქართველო გრძელ რიგში იდგა და ბოლოს მივიღეთ ვაქცინები, ახლა ვართ ქვეყნების პირველ ათეულში, ვინც ამ პრეპარატს მიიღებს", – განაცხადა თენგიზ ცერცვაძემ.

სხვა სიახლეები:

🔳 კლუბ "ბასიანში" დაგეგმილი ღონისძიება მაინც ჩატარდა და ამ დრომდე გრძელდება

🔳 "ოთხი წელია სტატუსი არ დამიწერია, ერთი ტრაგიკული მოვლენის შემდეგ, მაგრამ დღეს სხვა გზა აღარ დამრჩენია" - რას წერს რეჟისორი პაატა ციკოლია

🔳 შობის დამდეგს საბერძნეთის წყლებში 16 მიგრანტი, მათ შორის ერთი ბავშვი დაიღუპა

🔳 "ვაკეთებ ჯადოს 20 ლარად" - ინგა გრიგოლია