ექიმებზე ზეწოლის უპრეცედენტო ფაქტი - სამედიცინო ასოციაციების გაერთიანება ირაკლი კობახიძეს პასუხობს

„ექიმებზე ზეწოლის უპრეცედენტო ფაქტი“ - ასე ეხმიანება სამედიცინო ასოციაციების გაერთიანება პარტია „ქართული ოცნების“ თავმჯდომარის ირაკლი კობახიძის განცხადებას, სადაც მან სახალხო დამცველის მიერ შექმნილ მულტიპროფილურ ექსპერტთა ჯგუფის დასკვნა „ფეიკი“ უწოდა და ექიმების პასუხისმგებლობის დაყენებაზე ალაპარაკდა.

„განცხადება წარმოადგენს ექიმებზე ზეწოლის უპრეცედენტო ფაქტს. კონსილიუმში მონაწილე ექიმები კარგად არიან ცნობილი საქართველოს სამედიცინო ასოციაციების გაერთიანებისთვის, ისინი არიან მაღალკვალიფიციური სპეციალისტები და დაინტერესებულები არიან მხოლოდ პაციენტის კეთილდღეობით და ჯანმრთელობით“ - ნათქვამია განცხადებაში.

საქართველოს სამედიცინო ასოციაციების გაერთიანება სრულ მხარდაჭერას უცხადებს კონსილიუმს და ხელისუფლებას, ჯანდაცვის მინისტრს და პარლამენტის ჯანდაცვის კომიტეტის თავმჯდომარეს მიმართავს, უზრუნველყონ ექიმების პატივისა და ღირსების დაცვა.

განცხადებას ხელს აწერენ: აიპ “საქართველოს უროლოგთა ასოციაცია” - არჩილ ჩხოტუა; აიპ “საქართველოს მეან-გინეკოლოგთა ასოციაცია სმგა” - თენგიზ ასათიანი; აიპ “საქართველოს მეან-გინეკოლოგთა და პერინატოლოგთა ასოციაცია” - ნიკოლოზ კინტრაია; აიპ “საქართველოს ანგიოლოგთა და სისხლძარღვთა ქირურგთა ასოციაცია”- კონსტანტინე ყიფიანი; აიპ “საქართველოს ტრავმატოლოგ ორთოპედთა კავშირი - სტოკ” ზურაბ ხაბეიშვილი; აიპ “სოციალური პედიატრიის დაცვის ფონდი” - გიორგი ჩახუნაშვილი; აიპ საქართველოს ავლიპ ზურაბიშვილის სახელობის ფსიქიატრთა საზოგადოება" - ეკა ჭყონია, ნინო ოკრიბელაშვილი; საქართველოს რეპროდუქციული მედიცინისა და ემბრიოლოგიის ასოციაცია ლიკა ჭყონია; ხარისხის საკონსულტაციო ჯგუფი - მარინა შიხაშვილი; აიპ "ცერებრული ჰემოცირკულაციის და ნეიროსონოლოგიის საქართველოს საზოგადოება" - მარიკა ალფაიძე; გადაუდებელი მედიცინის ასოციაცია -გიორგი გოცაძე; ქრონიკულ დაავადებათა მონიტორინგის ასოციაცია ელისაბედ კუჭავა; საქართველოს მერაბ კილაძის სახელობის მცირე ინვაზიურ ქირურგთა ასოციაცია - დავით აბულაძე; საქართველოს კარდიოლოგთა საზოგადოება- არჩილ ჩუხრუკიძე; სასწრაფო დახმარების ასოციაცია- გიორგი ვაშაკიძე; ნეიროქირურგთა ასოციაცია - გიორგი ინგოროყვა;  "საქართველოს გულ-სისხლძარღვთა დაავადებების პრევენციისა და რეაბილიტაციის ასოციაცია" ზურაბ კლიმიაშვილი; “საქართველოს ინტერვენციონალისტ კარდიოლოგთა ასოციაცია“ - შალვა რცხილაძე; ანესთეზიოლოგიისა და რეანიმატოლოგიის სკოლა' - ცოტნე სამადაშვილი; ქართველ ექიმთა საერთაშორისო ასოციაციის - ანა ქავთარაძე.

ამავე თემაზე:

🔵"ფეიკდასკვნა"-ირაკლი კობახიძე ომბუდსმენის მიერ შექმნილ ექიმთა ჯგუფს არ ენდობა

🔵 "მოვუწოდებთ აკრედიტებული დიპლომატიურ მისიებს, თავიანთი მანდატის ფარგლებში შეაფასონ ირაკლი კობახიძის მუქარის შემცველი განცხადებები" - ომბუდსმენი