გელა ჩარკვიანი: "მხოლოდ განათლებულ მოქალაქეს ძალუძს გააკეთოს სწორი პოლიტიკური არჩევანი"

დღეს გელა ჩარკვიანი დღეს, საბურთალოზე, შვილის გვერდით დაკრძალეს.

ქართველი დიპლომატი, პუბლიცისტი, მწერალი, პედაგოგი და ტელეწამყვანი გელა ჩარკვიანი 82 წლის ასაკში 9 ნოემბერს გარდაიცვალა.

სოციალურ ქსელში, გიორგი ოქრიაშვილი, გელა ჩარკვიანის ხელნაწერს ავრცელებს, რომელიც მას ჩარკვიანმა ინტერვიუს დროს უსახსოვრა, საკუთარი ავტოგრაფით.

"რა არის განათლება?

განათლება არის კაცობრიობის მიერ დღემდე დაგროვებული გამოცდილების გათავისება. არა უბრალოდ ფაქტების დაზეპირება, არამედ ამ ფაქტებიდან ყველასთვის სასარგებლო დასკვნების გამოტანის უნარის შეძენა.

რატომ არის მნიშვნელოვანი განათლება?

განათლება არის გზა თავისუფლებისა და კეთილდღეობისკენ. მის გარეშე შეუძლებელია, როგორც ცალკეული პიროვნების, ისე მთელი საზოგადოების წინსვლა.

დემოკრატიულ ქვეყანაში განათლების როლი განსაკუთრებით მაღალია, რადგან მხოლოდ განათლებულ მოქალაქეს ძალუძს გააკეთოს სწორი პოლიტიკური არჩევანი, ამასთან დაკავშირებით უპრიანი იქნება გავიხსენოთ თომას ჯეფერსონის სიტყვები: "ერი, რომელსაც უნდა იყოს თავისუფალი და უმეცარი, არასდროს იქნება თავისუფალი."

და ამის შედეგად...

თანამედროვე კატეგორიებითა და ცნებებით აზროვნების უნარის შეძენა."