გიორგი ჩაკვეტაძე: ფაქტია, რომ გიორგი ბაჩიაშვილი ჩამოყალიბებული თაღლითია - მის მიერ უკანონოდ მითვისებული თანხები ქვეყნის მტრობას ხმარდებოდა

ფაქტია, რომ გიორგი ბაჩიაშვილი ჩამოყალიბებული, ჩვეულებრივი თაღლითია, - განაცხადა პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარის პირველმა მოადგილემ გიორგი ჩაკვეტაძემ.

მისი თქმით, ბაჩიაშვილის მიერ უკანონოდ მითვისებული თანხები სახელმწიფოს წინააღმდეგ გამოიყენებოდა.

„ამ განცხადებაში ყველაზე საინტერესო არის ის, თუ რას ხმარდებოდა თანხები, რომელიც მან უკანონოდ მიითვისა; ეს ხმარდებოდა ქვეყნის წინააღმდეგ მტრობას, ხმარდებოდა იმას, რომ გავრცელებულიყო დეზინფორმაცია, სხვადასხვა კამპანია, რისი დაფინანსების საშუალებაც მას მიეცა მხოლოდ იქიდან გამომდინარე, რომ ჩაიდინა დანაშაული. ჩვენ დაველოდებით რა თქმა უნდა სხვადასხვა ინსტანციის სასამართლოს საბოლოო გადაწყვეტილებას, თუმცა რაც იკვეთება ფაქტია, რომ ჩამოყალიბებული, ჩვეულებრივი თაღლითია გიორგი ბაჩიაშვილი“, - აცხადებს ჩაკვეტაძე.

შეკვეთილი სტატია და დეზინფორმაცია ბიძინა ივანიშვილის წინააღმდეგ - ბიძინა ივანიშვილის ადვოკატის თემო წიქვაძის განცხადებით, გიორგი ბაჩიაშვილი, რომელიც განსაკუთრებით დიდი ოდენობით კრიპტოვალუტის მითვისებისთვისაა გასამართლებული, მართული მედიის დახმარებით ცდილობს ობიექტური სურათის დამახინჯებას.