ტრამპმა განაცხადა, რომ The New York Times-ის წინააღმდეგ, რომელსაც ის „რადიკალური მემარცხენეების რუპორად“ მოიხსენიებს, 15 მილიარდი დოლარის ღირებულების სარჩელი შეიტანა

აშშ-ის პრეზიდენტმა დონალდ ტრამპმა თავის სოციალურ ქსელში დაწერა, რომ ცილისწამების გამო გამოცემა The New York Times-ის წინააღმდეგ 15 მილიარდი დოლარის ღირებულების სარჩელი შეიტანა.

“დღეს წილად მხვდა დიდი პატივი შევიტანო 15 მილიარდი დოლარის ღირებულების სარჩელი ცილისწამებისა და შეურაცხყოფის შესახებ The New York Times-ის წინააღმდეგ, რომელიც ჩვენი ქვეყნის ისტორიაში ერთ-ერთი ყველაზე ცუდი და დეგრადირებული გაზეთია. ის ფაქტობრივად რადიკალურად მემარცხენე „დემოკრატიული“ პარტიის რუპორი გახდა“, - დაწერა ტრამპმა.

მისი თქმით, გამოცემა 2024 წლის საპრეზიდენტო არჩევნებში მის კონკურენტს „დემოკრატიული“ პარტიიდან, აშშ-ის ვიცე-პრეზიდენტ კამალა ჰარისს უჭერდა მხარს. „ეს იყო ყველაზე მსხვილი უკანონო შემოწირულება საარჩევნო კამპანიის ისტორიაში. მათი მხარდაჭერა კამალა ჰარისის მიმართ The New York Times-ის პირველ გვერდზე იყო გამოტანილი, რაც გაუგონარია!“, - განაცხადა თეთრი სახლის ლიდერმა.

როგორც ტრამპმა აღნიშნა, გამოცემა ათწლეულების განმავლობაში სიცრუეს ავრცელებს მისი ოჯახის, ბიზნესისა და მოძრაობის „გავხადოთ ამერიკა კვლავ დიადი“ შესახებ.

„The New York Times-ი დიდი ხნის განმავლობაში თავისუფლად მწამებდა ცილს, იტყუებოდა და ტალახს მესროდა. ეს დაუყოვნებლივ შეწყდება! სარჩელი ფლორიდის დიად შტატშია შეტანილი“, - დასძინა მან.