"ხმა მივეცი ჩვენი ქვეყნის მშვიდობიან განვითარებას, ჩვენს ამომრჩევლებს მინდა მივმართო თხოვნით, რომ ყველა მივიდეთ არჩევნებზე" - ირაკლი ღარიბაშვილი

საქართველოს პრემიერ-მინისტრმა, ირაკლი ღარიბაშვილმა საკუთარი არჩევანი უკვე დააფიქსირა.

როგორც მთავრობის მეთაურმა განაცხადა, იგი დარწმუნებულია, რომ "ქართული ოცნების" კანდიდატები, ყველა მუნიციპალიტეტში გაიმარჯვებენ.

"მე რა თქმა უნდა, ხმა მივეცი ჩვენი ქვეყნის მშვიდობიან განვითარებას. მჯერა, რომ დღეს ჩვენი ხალხი მორიგ ბრძნულ გადაწყვეტილებას მიიღებს და ხმას მისცემს ქვეყნის სტაბილურობას და არა ქაოსს, შფოთს, არეულობას, დაპირისპირებასა და პოლარიზაციას, რაც დესტრუქციული ოპოზიციის მხრიდან მომდინარეობს.

ჩემი ღრმა რწმენით, ვიცით რა წინასწარი განწყობები, დღეს ყველგან, 20-ვე მუნიციპალიტეტში ჩვენ მოვიგებთ, კიდევ ერთხელ მინდა ვთქვა, რომ საერთო ეროვნული არჩევნები ჩვენ მოვიგეთ. მივიღეთ 47%, რითაც დავასრულეთ სპეკულაციები შესაძლო რიგგარეშე არჩევნებთან დაკავშირებით.

მოგეხსენებათ, ოპოზიციის მთავარი სლოგანი იყო რეფერენდუმი და ეს რეფერენდუმი მათ წააგეს და ასევე წააგეს 44 მუნიციპალიტეტში.

ჩემი ღრმა რწმენით, ვიცით რა წინასწარი განწყობები, დღეს ყველგან, 20-ვე მუნიციპალიტეტში ჩვენ მოვიგებთ.

მჯერა, რომ ხვალინდელი დღე იქნება უკეთესი, ვიდრე დღევანდელია. რა თქმა უნდა, ჩვენ მოწოდებული ვართ, რომ თავისუფალი, გამჭვირვალე არჩევნები ჩავატაროთ და მჯერა, რომ მშვიდად ჩაივლის დღევანდელი დღე. მინდა, ყველას მოვუწოდო აქტიურობისკენ. ჩვენს ამომრჩევლებს მინდა მივმართო თხოვნით, რომ ყველა მივიდეთ არჩევნებზე", - განაცხადა ირაკლი ღარიბაშვილმა.

საქართველოში დღეს 5 თვითმმართველ ქალაქში, 15 მუნიციპალიტეტში და 24 საარჩევნო ოლქში მუნიციპალიტეტის არჩევნების მეორე ტური იმართება. მოქალაქეები 20 მერსა და საკრებულოების 42 მაჟორიტარ წევრს აირჩევენ. ყველა თვითმმართველ ქალაქში ერთმანეთს „ქართული ოცნებისა“ და „ნაციონალური მოძრაობის“ მერობის კანდიდატები უპირისპირდებიან.

ამავე თემაზე:

🔵 "ერთად უნდა ვისწავლოთ ერთიანობა და სიმშვიდე და ამას მივეცი ხმა" - სალომე ზურაბიშვილი

🔵 "მაქვს მოლოდინი, რომ "ნაციონალური მოძრაობა" მარცხს არ დასჯერდება და შეეცდება გარკვეული ინციდენტების ორგანიზებას"- თეა წულუკიანი

🔵 საქართველოში ადგილობრივი თვითმმართველობის არჩევნების მეორე ტური მიმდინარეობს

🔵 ბიძინა ივანიშვილმა საარჩევნო უბანზე საკუთარი არჩევანი დააფიქსირა

🔵 ადგილობრივი თვითმმართველობის არჩევნებში გამარჯვებული 44 მუნიციპალიტეტის მერი საქმიანობას შეუდგა