ხმაური და დაპირისპირება სააკაშვილის სასამართლო პროცესზე

ხმაური  თბილისის საქალაქო სასამართლოში, სადაც საქართველოს მესამე პრეზიდენტის სასამართლო პროცესი მიმდინარეობს. მიხეილ სააკაშვილმა ე.წ. პიჯაკების საქმეზე საუბრისას, მის მიმართ წაყენებულ ბრალს, აბსურდული უწოდა.  

"პროცესი, რომელიც ტარდება არის პოლიტიკური, ანეკდოტური, ალბათ, ყველაზე სამარცხვინო საქართველოს ისტორიაში"- განაცხადა სააკაშვილმა. 
მან სხდომაზე "ქართული ოცნების" ლიდერების, პრემიერ-მინისტრის, მათ შორის პროკურორების ძვირად ღირებული მდიდრული სახლების ფოტოები წარადგინა და განაცხადა, რომ  მმართველი გუნდი ხალხის ხარჯზე მდიდრდება.

უფრო კონკრეტულად, სიტყვით გამოსვლისას მიხეილ სააკაშვილმა ირაკლი ღარიბაშვილის, დავით ნარმანიას და პროკურორ ჯარჯი წიკლაურის კუთვნილი სახლების ფოტოები წარადგინა.

პროკურორ არჩილ ტყეშელაშვილის თავი პოლიტიკური განცხადებების გაკეთებისგან არ შეუკავებია.

"ეს არის მათი მედიების ფეიკ ნიუსები"- თქვა წყობიდან გამოსულმა პროკურორმა. ბრალდების მხარის ამ გამოსვლას მიხეილ სააკაშვილის ადვოკატები აპროტესტებენ.

"ბატონი არჩილი სრულიად პროვოკაციულად წამოდგა, ხმამაღლა, შეაწყვეტინა და გააკეთა პოლიტიკური შინაარსის პროპაგანდისტული განცხადება,"- განაცხადა ბექა ბასილაიამ და მოსამართლეს რეაგირებისკენ მოუწოდა. 
მოსამართლე ბადრი კოჭლამაზიშვილმა კი მხარეებს მიმართა, რომ თუ მხარეები სიმშვიდეს არ შეინარჩუნებენ, სხდომას დახურავს.

ასევე დაგაინტერე­­­­სებთ:

🔵83 წლის მონაზონს ერთი წლით პატიმრობა მიუსაჯეს, სკოლიდან მოპარული 835 ათასი დოლარის გამო, რომელიც კაზინოში წააგო

🔵TikTok-ზე სასიკვდილო თამაში ვრცელდება, რომელმაც 80-ზე მეტი არასრულწლოვანი იმსხვერპლა - ბავშვები ვიდეოს ჩაწერის დროს იგუდებიან