ლევან მაჭავარიანი: ჩვენი მოქალაქეები ძალიან კარგად ხვდებიან იმას, რომ „ლელოც“, გახარიაც და „ნაცმოძრაობაც“ ერთი და იმავე ვერტიკალით იმართება

„ეს არის ზუსტად იმ რებრენდინგის ნაწილი, რაზედაც ჩვენ ვესაუბრებით ჩვენს საზოგადოებას. ანუ, გარე ძალებმა გადაწყვიტეს, რომ ხელოვნურად გამიჯნონ „ლელო“  და გახარიას პარტია კოლექტიური „ნაციონალური მოძრაობისგან“ - ასე ეხმაურება ფრაქცია „ქართული ოცნების“ თავმჯდომარის პირველი მოადგილე ლევან მაჭავარიანი „ლელოსა“ და პარტია „საქართველოსთვის“ გაკეთებულ განცხადებებს.

მისი თქმით, ყველა კარგად ხვდება, რომ „ლელოც“, გახარიაც და „ნაცებიც“ - ყველა ერთი და იგივე ვერტიკალით იმართებიან.

„ეს არის ზუსტად იმ რებრენდინგის ნაწილი, რაზედაც ჩვენ ვესაუბრებით ჩვენს საზოგადოებას. ანუ, გარე ძალებმა გადაწყვიტეს, რომ ხელოვნურად გამიჯნონ „ლელო“ და გახარიას პარტია კოლექტიური „ნაცმოძრაობისგან“, იქიდან გამომდინარე რომ იციან, რომ ნაცებს ის წარსული ვერ ჩამორეცხეს და უნდათ, რომ საზოგადოება შეიყვანონ შეცდომაში, თითქოს „ლელო“ და გახარიას პარტია არიან დამოუკიდებელი ძალები და არ წარმოადგენენ კოლექტიურ „ნაციონალურ მოძრაობას“.

თუმცა, რა თქმა უნდა, ჩვენი მოქალაქეები ძალიან კარგად ხვდებიან, თუ რაშია საქმე და აანალიზებენ იმას, რომ „ლელოც“, გახარიაც და „ნაცებიც“ - აბსოლუტად ყველა ერთი და იგივე ვერტიკალით იმართებიან“, - აღნიშნავს მმართველი გუნდის დეპუტატი.

ცნობისთვის, „ნაციონალური მოძრაობის“ მოქმედი და ყოფილი სახეებისგან შემდგარ ალიანსს არ უერთდება „ლელო“ და გახარიას პარტია „საქართველოსთვის“.