ლევან მახაშვილი: ამდენი წელია ძალიან კარგად ვხედავთ, რამდენიმე კარგი პროექტის მიღმა, რომელსაც შირმად იყენებენ ხოლმე, სად მიდის და რაში იხარჯება უცხოური ფული საქართველოში

ჩვენ ამდენი წელია ძალიან კარგად ვხედავთ, რამდენიმე კარგი პროექტის მიღმა, რომელსაც შირმად იყენებენ ხოლმე ხშირ შემთხვევაში, სად მიდის და რაში იხარჯება უცხოური ფულის საქართველოში, - განაცხადა ევროპასთან ინტეგრაციის საპარლამენტო კომიტეტის თავმჯდომარე ლევან მახაშვილმა.

უმრავლესობის დეპუტატი გამოეხმაურა „იმედის კვირის“ ექსკლუზიურ ინფორმაციას, რომელიც ქართული „ფარას“ გვერდის ავლით არასამთავრობოთა დაფინანსების მორიგ სქემას ეხება.

„იმის ნაცვლად, რომ საკუთარ სახელმწიფოებში რეალურ პრობლემებს მოხმარდეს, ეს თანხა მიდის ნეგატიური, დესტრუქციული საგარეო პოლიტიკური დღის წესრიგის განხორციელებაში, მათ შორის საქართველოში. ამიტომ ყველას მოვუწოდებთ რომ შეისწავლონ, მათ შორის საპარლამენტო ზედამხედველობის ბერკეტების გამოყენებით, რაში იხარჯება მათივე მოსახლეობის ფული. ჩვენ ამდენი წელია ძალიან კარგად ვხედავთ, რამდენიმე კარგი პროექტის მიღმა, რომელსაც შირმად იყენებენ ხოლმე ხშირ შემთხვევაში, სად მიდის და რაში იხარჯება უცხოური ფულის საქართველოში“, - აღნიშნა მახაშვილმა.

„იმედის კვირის“ ექსკლუზივის თანახმად, ორგანიზაცია „ჯისიარტმა“ ევროკომისიისგან 3 მილიონამდე ლარი მიიღო. გრანტის დანიშნულების მიხედვით, თანხა მსხვერპლთა ტანჯვის შემსუბუქებას უნდა მოხმარდეს. კანონში არსებული გამონაკლისით, ამ შემთხვევაში, ორგანიზაციას რეესტრში რეგისტრირება აღარ ევალება. მიღებული თანხა 11 ორგანიზაციაზე განაწილდა, რომლებიც საპროტესტო აქციების დაფინანსებასა და ჯარიმების გადახდაში აქტიურად მონაწილეობენ. თანხა კონკრეტულმა უფლებადამცველებმაც მიიღეს.