“ნუ ვუწოდებთ ჩვენს შვილებს "საზარბაზნე ხორცს", არ გვეკადრება, რადგან სულ ახლახან ჩვენ გვერდით დადიოდა ანწუხელიძე, ტატუნაშვილი, შინდისის გმირების "კამანდა" - მარი მახარაძე

იტალიაში მცხოვრები ქართველი ემიგრანტი მარი ნანა მახარაძე, რომელსაც კარგად ვიცნობთ იური მეჩითოვის 9 აპრილის სიმბოლოდ ქცეული ფოტოდან, განვითარებული მოვლენების შესახებ სოციალურ ქსელში პოსტს აქვეყნებს:

"20 წლის უკან ვინმეს ჩემთვის რომ ეთქვა, პუტინი ისევ რუსეთის პრეზიდენტი იქნება და ომს გააჩაღებს KBH ლიგის ნახევარფინალისტთანო, აბსოლუტურ გიჟად ჩავთვლიდი...

თუმცა, როგორც ხედავთ 
KBH > KГB !!!!!

ამ "მასხარამ" შეძლო და 44 მილიონიანი მოსახლეობის პრეზიდენტი გახდა, შეძლო  საკუთარი ხალხის უდიდესი სიყვარულის მოპოვება, ჩაძინებული და ნებიერა ევროპის გამოფხიზლება და ამერიკის შექანება...

გაოგნებულია მსოფლიო უკრაინელი ხალხის ერთიანობით, ვაჟკაცობით, ღირსებით, ერთმანეთის სიყვარულით და გატანით. ლეგენდებად დარჩება უამრავი ამბავი დღევანდელი ისტორიიდან.

ჩემს ქვეყანაში რამდენიც გინდათ იმდენი "KВН კამანდაა" ბევრი  "მასხარაც", თუმცა, უმაღლეს ლიგამდე,როგორც ჩანს ბევრი გვაკლია...
ასე, რომ ნურავის დავამადლით ჩვენ ქართველობას, ნურც დაღვრილ სისხლს, რადგან თავისუფლება ისე არ მოდის...

ნურც ჩვენს შვილებს ვუწოდებთ "საზარბაზნე ხორცს", არ გვეკადრება, რადგან სულ ახლახანს ჩვენ გვერდით დადიოდა ანწუხელიძე, ტატუნაშვილი, შინდისის გმირების "კამანდა"...
ხო და მამაზეციერო, რომ ხარ ქე ვიცით, რაფერ ვართ ქე იცი და აბა შენ იცი...

#რუსეთიოკუპანტია#დიდებასაქართველოს#თავისუფლებაუკრაინას#მშვიდობამსოფლიოს," - წერს მარი მახარაძე