"პირველად ვნახე სიტუაციაში, როცა თან დედაა და თან იდეით სავსე მოქალაქე" - ელენე ხოშტარია დედაზე ემოციურ პოსტს აქვეყნებს

პარტია „დროა“-ს ლიდერი ელენე ხოშტარია დედას ირინა გუნცაძეს დაბადების დღეს ულოცავს და სოციალურ ქსელში ემოციურ პოსტს აქვეყნებს.

„ბავშვობაში 80-იანების ბოლოს 90-იანებში სულ მახსოვს მამაჩემის გვერდზე კლდესავით იდგა.

შეიძლება ესეც არასწორი ნათქვამია, ერთად იბრძოდნენ დამოუკიდებლობისთვის, უფრო სწორი ფორმულირებაა.

მახსოვს 9 აპრილს გაბრაზებული და არა შეშინებული.

ძალიან ბევრნაირი ურთიერთობა გვქონია მერე წლების განმავლობაში.

წელს განსაკუთრებული წელი აღმოჩნდა ჩვენთვისაც.

პირველად ვნახე სიტუაციაში, როცა თან დედაა და თან იდეით სავსე მოქალაქე, როცა თან უნდა კარგად ვიყო და თან პატივს სცემს ჩემ გადაწყვეტილებას.

მახსოვს სხვა კრიზისების დროს აღელვებული დედის როლი სძლევდა ხოლმე.

ფბ ვოლზე უცხო ხალხთან დაწერილი მისი კომენტარები: „ლაკა ჩაიცვი გაცივდები“, ან ატირებული პოლიციასთან ჩემი ჭიდაობის კადრებით.

ხოდა წელს შიმშილობის დროს მეც აღმოვაჩინე დედაჩემი.

მეც თან როგორც შვილმაც და როგორც მოქალაქემაც.

ძალიან რთულია ამ ბალანსის დაცვა და ასე უსიტყვოდ გაგება.

ყოველი წამი ჩემი საყრდენი იყო, არცერთ წამს არ დაუყენებია ჩემზე წინ საკუთარი ემოცია.

არაა ეს ადვილი და ძალიან დავაფასე.

გილოცავ დე დაბადების დღეს  მაგრად იყავი, მაგრად ვიყოთ და ბევრჯერ აღმოგვეჩინოს ერთმანეთი და ამისგან ბედნიერების განცდა მიგვეღოს“, - წერს ფეისბუკის საკუთარ გვერდზე ელენე ხოშტარია.

ასევე საინტერესოა:

🔵 ეკატერინე ტიკარაძე: პატრიარქმა დამლოცა ჩემს მომავალ გზაზე

🔵 უბედური შემთხვევა სურამში - ავტომაგისტრალის მშენებლობაზე დასაქმებული ახალგაზრდა კაცი სიმაღლიდან გადავარდა და დაიღუპა