"პოეტი უნდა შეგხვდეს ყველგან....წიგნებში, რვეულებში, მატარებელში" - გიორგი კეკელიძე გალაკტიონის აქამდე უცნობ ფოტოს აქვეყნებს
"პოეტი უნდა შეგხვდეს ყველგან....წიგნებში, რვეულებში, მატარებელში" - ამის შესახებ „ეროვნული ბიბლიოთეკის“ ხელმძღვანელი, მწერალი გიორგი კეკელიძე ფეისბუკზე წერს, რომელიც სოციალურ ქსელში გალაკტიონ ტაბიძის აქამდე უცნობ ფოტოს აქვეყნებს.
"არის ერთი სრულიად გენიალური ფოტო - გალაკტიონს მინერალური წყლის ბოთლი უჭირავს და ჰაერში ასხამს.
ერთი შეხედვით, ყველას შემთვრალი კაცი ეგონება, ხელში ღვინით.
უკან საგანგებოდ აქვს მიწერილი:
"გალაკტიონ ტაბიძე მინერალური წყლის, “ვარძიის” ბოთლით ხელში"
როდესაც სურათი გადაუღიათ, უთხოვია, არ დაებეჭდათ, რადგან “სხვებს ღვინო ეგონობათო”.
1955 წლის ივლისი.
ეს რომ გადაიღო, ხომ იცოდა, რომ ეგონებოდათ.
რომ თხოვა, ისიც ხომ იცოდა, რომ მაინც დაბეჭდავდნენ.
ადრე თუ გვიან.
განა გალაკტიონი არ სვამდა.
სვამდა.
ღვინოსაც.
მაგრამ, ხომ ხვდებით ახლა რისი თქმაც მინდა.
ამიტომაც არის დიდი.
უდიდესი მისტიფიკატორი.
და ეს ფოტო, დედაჩემი რვეულის მერე, არის ჩემთვის გალაკტიონი.
და გალაკტიონ ტაბიძე დედაჩემის მათემატიკის სქელი რვეულია.
"უსიყვარულოდ, მზე არ სუფევს ცის კამარაზე"
უკეთესები ლექსებიც აქვს?
ვიცი.
ვიცი.
ბევრად უკეთესი.
ისიც ვიცი, რაც ზეპირად გვახსოვს, უმეტესი მათგანი, ,,დაუზეპირებლებს’’ ბარემ ლურჯა ცხენების გაჭენების მანძილზე ჩამორჩება, მაგრამ მაინც.
კითხვა რომ ვისწავლე, დედაჩემის გამოწერილი ლექსების რვეული იყო მათ შორის, რაც შემომაჩეჩეს.
კი, ასეთი რვეულები არსებობდა მაშინ.
რატომღაც მხოლოდ ქალებს ჰქონდათ.
და იქ პირველი ეს ლექსი ეწერა, გამოყვანილი ასოებით და დიდი სიფრთხილით.
პოეტობა ეს არის და არა რაღაც ანთოლოგიებს დართულ მიმოხილვებში მოხვედრა.
პოეტი უნდა შეგხვდეს ყველგან.
წიგნებში, რვეულებში, მატარებელში", -წერს გიორგი კეკელიძე.
ასევე დაგაინტერესებთ:
📌 "ყველაზე უბრალოდ აქ მე ვარ ..." - გალაკტიონ ტაბიძე
მთავარი სიახლეები
1778157450
ახალი ამბები„ჯორჯიან უოთერ ენდ ფაუერი“ სპეციალურ განცხადებას ავრცელებს
8 მაისს, „ჯორჯიან უოთერ ენდ ფაუერი“, სამგორის რაიონში, სამგორის სათავე ნაგებობაზე წყალმომარაგების სტაბილურობისთვის, აუცილებელ ტექნიკურ სამუშაოებს ჩაატარებს. ინფორმაციას „ჯორჯიან უოთერ ენდ ფაუერი“ ავრც...
1778156313
ახალი ამბებიმიხეილ ყაველაშვილმა გარემოს ეროვნული სააგენტოს გეოლოგიის დეპარტამენტის უფროსი მერაბ გაფრინდაშვილი ღირსების მედლით დააჯილდოვა
საქართველოს პრეზიდენტმა მიხეილ ყაველაშვილმა საქართველოს გარემოს დაცვისა და სოფლის მეურნეობის სამინისტროს სსიპ - გარემოს ეროვნული სააგენტოს გეოლოგიის დეპარტამენტის უფროსი მერაბ გაფრინდაშვილი ღირსების მ...
1778154878
ახალი ამბებისაქართველო აღმასრულებელთა საერთაშორისო კონფერენციას მასპინძლობს
საქართველო აღმასრულებელთა საერთაშორისო კონფერენციას მასპინძლობს. კონფერენცია „აღმასრულებლის როლის ტრანსფორმაცია თანამედროვე მართლმსაჯულების სისტემაში“ იუსტიციის სამინისტროს აღსრულების ეროვნული ბიუროსა...
1778153557
ახალი ამბებიპაატა სალია: „ქართულ ოცნებას“ არასოდეს შეუცვლია უკრაინის მიმართ პოზიცია
„ქართულ ოცნებას არასოდეს შეუცვლია უკრაინის მიმართ პოზიცია, ჩვენ მუდმივად ვრჩებოდით ცალმხრივი მეგობრობის რეჟიმში“, - ეს განცხადება იუსტიციის მინისტრმა პაატა სალიამ ორი ქვეყნის ურთიერთობების შეფასებისას...
1778152865
ახალი ამბებიდავით ქართველიშვილი: გიორგი გახარიას პრემიერობის დროს, გაძვირდა პრაქტიკულად ყველაფერი - პროდუქტები, საწვავი, კომუნალური მომსახურება, იმპორტი და დღეს ინფლაციაზე ისეთი ტრაგიკული ტონით გვესაუბრება
„სწორედ გიორგი გახარიას პრემიერობის პერიოდში დაფიქსირდა ქვეყანაში ფასების ერთ-ერთი ყველაზე მძიმე ზრდა ბოლო წლების განმავლობაში“, - ასე ეხმიანება „ხალხის ძალის“ წევრი, დავით ქართველიშვილი პარტიის „გახა...
