პროკურორი ინტერპოლით ძებნილ აზერბაიჯანის მოქალაქეზე: ბინიდან ამოიღეს არაერთი ელექტრონული ინფორმაციის მატარებელი მოწყობილობა, მიმდინარეობს აღნიშნულია მასალების შესწავლა და გამოძიების მიერ შეიძლება დამატებითი გარემოებებიც გამოიკვეთოს

აღნიშნული პიროვნება იძებნება ინტერპოლის შესაბამისი ცირკულარით და მას ბრალად ედება ტერორისტულ ორგანიზაცია ისლამური სახელმწიფოს წევრობა. ვინაიდან ის იძებნებოდა ინტერპოლის მიერ, მან ყალბი დოკუმენტის გამოყენებით უკანონოდ გადაკვეთა სახელმწიფო საზღვარი და შემოვიდა საქართველოში, - განაცხადა მედიასთან პროკურორმა, ელიზბარ გოზალიშვილმა ინტერპოლით ძებნილ აზერბაიჯანის მოქალაქეზე საუბრისას.

„დღევანდელ სასამართლო პროცესზე განიხილა აღკვეთო ღონისძიების საკითხი. სასამართლომ სრულად გაიზიარა ბრალდების მხარის პოზიიცა, რომ არსებობდა ბრალდებულის მხრიდან მიმალვისა და ახალი დანაშაულის ჩადენის საფრთხეები, შესაბამისად მას პატიმრობა შეეფარდა.

როგორ პროკურორმა განაცხადა, დაკავებულის ბინიდან ამოიღეს არაერთი ელექტრონული ინფორმაციის მატარებელი მოწყობილობა.

„მიმდინარეობს აღნიშნულია მასალების შესწავლა და გამოძიების მიერ შეიძლება გამოიკვეთოს დამატებითი გარემოებებიც“, - აღნიშნა ელიზბარ გოზალიშვილმა.

ბრალდებულის ადვოკატის, ჯეიჰუნ მამედოვის განცხადებით, სასამართლომ არ გაითვალისწინა დაცვის მხარის პოზიცია და ბრალდებულს პატიმრობა შეეფარდა. როგორც ადვოკატი აღნიშნავს, გადაწყვეტილებას 48 საათის განმავლობაში გაასაჩივრებენ.

საქართველოს სახელმწიფო უსაფრთხოების სამსახურმა კონტრტერორისტული ოპერაციების ფარგლებში კომპლექსურად გატარებული საგამოძიებო და ოპერატიულ-სამძებრო ღონისძიებების შედეგად, ქალაქ რუსთავში უცხო ქვეყნის ინიციატივით ინტერპოლის ცირკულარით ძებნილი, უცხო ქვეყნის ერთი მოქალაქე 2 მაისს დააკავა.