ქართულ დროშაზე მდგომი რუსი ტელეწამყვანი და პოლიტიკოსები - გამოხმაურებები საქართველოში

რუსეთის პირველმა არხმა არხმა,საქართველოს ექსპრეზიდენტ მიხეილ სააკაშვილის დაპატიმრებაზე გადაცემა  მოამზადა. გადაცემის მიმდინარეობისას, სცენაზე, სადაც გადაცემის წამყვანი და მიწვეული პოლიტიკოსები ტრიბუნასთან იდგნენ, საქართველოს დროშა იყო გამოსახული. ანტიქართული რიტორიკით ცნობილი წამყვანები, გადაცემაში სააკაშვილის პატიმრობის დეტალებს განიხილავდნენ. 

აღნიშნული ფაქტი საქართველოში, ქართული სახელმწიფოებრიობის შეურაცხყოფად და მთავარი სიმბოლოს ფეხქვეშ გათელვად შეფასდა.

ფსიქოლოგი და ფსიქოსოციალური დახმარების ცენტრ "კამარას" დამფუძნებელი ნათია ფანჯიკიძე:

"სანამ ძილს გავაგრძელებ, კითხვა მაქვს ასეთი, საქართველოს დროშას რომ ფეხქვეშ თელავს მსოფლიოს ყველაზე ველური ქვეყანა, საპროტესტო ნოტას გააგზავნის საგარეო საქმეთა სამინისტრო ყველგან, სადაც შესაძლებელია, თუ წყალს მოვუყვე ეს სიზმარიც?", - დაწერა ფანჯიკიძემ ფეისბუკში.

ჟურნალისტი ვახო სანაია:

"ახლა ვფიქრობ – საქართველოსთან დაკავშირებით რა უნდა გაგვიხარდეს მე და პუტინს ზუსტად ერთნაირად. საბედნიეროდ, ვერაფერი გავიხსენე.

იმედსა და Россия 1 ზუსტად ერთნაირად უხარიათ ჟირინოვსკისა და შენ, მამუკა მდინარაძე ზუსტად ერთნაირად გიხარიათ ხომ უნდა დაფიქრდე, სად იქნება თქვენი ადგილი ისტორიაში.

David Zalkaliani თქვენ უკვე გაუგზავნეთ მთელ მსოფლიოს წერილები, ქართული დროშა რომ გათელეს პირდაპირ ეთერში ? მოითხოვეთ დაგმობა ? გაბუნიას გინებაზე ხომ იმავე ღამით აფრინეთ მეილები. ააა, დილით იზამთ ? ოკ", – წერს სანაია.

აღნიშნულთან დაკავშირებით ოფიციალურ თბილისს კომენტარი ჯერჯერობით არ გაუკეთებია.

ასევე დაგაინტერესებთ:

🔲 რამდენი მოქალაქე დასაქმდება ლეგალურად ისრაელში?

🔲 საქართველოს მოქალაქეები ბულგარეთში ლეგალურად დასაქმებას შეძლებენ