ქვეყანაში ეპიდსიტუაცია საკმაოდ რთულია-ამირან გამყრელიძე

დაავადებათა კონტროლის ეროვნული ცენტრის ხელმძღვანელის განცხადებით, ქვეყანაში ეპიდსიტუაცია კვლავ რთულია. ამირან გამყრელიძის თქმით, მიუხედავად იმისა, რომ სტაბილიზაციისკენ არის ნიშნები, ვაქცინაციის ტემპის გაზრდის გარეშე, ვირუსის შეკავება შეუძლებელი იქნება. გამყრელიძე ამბობს, რომ ვირუსის გავრცელება ოდნავ შემცირებულია.

„დადებითობის მაჩვენებელიც ბოლო 7-14დღემდე, პირველად ჩამოსცდა ცხრა პროცენტს, მაგრამ ეს დამშვიდების საფუძველს არ იძლევა. ეს სტაბილიზაციის ნიშნები არის მაღალ რიცხვებზე და ნებისმიერ დროს შეიძლება გაუარესდეს. მიუხედავად ოდნავ პროგრესისა ვაქცინაციის რიცხვებში, ბოლო დღეებია გვაქვს 10 000 და გუშინაც 7 000-მდე აცრა, არ იყო ცოტა, მაგრამ მაინც ცოტაა. გვჭირდება ყოველდღიურად 15 000, 20 000, 30 000 აცრა, რომ გავიდეთ სამიზნე მაჩვენებელზე და შევაკაოთ ეპიდემია. სიკვდილიანობა გარკვეულად პროპორციულ დამოკიდებულებაშია ახალ შემთხვევათა რაოდენობასთან. ახლა გვაქვს 47 000 აქტიური შემთხვევა. ჰოსპიტალურ სექტორშია 6 500-მდე, მძიმე ავადმყოფია 1 600 და 300-ზე მეტი არის ხელოვნურ ვენტილაციაზე, ამიტომ ჰოსპიტალური სექტორი მუშაობს ზღვარზე. ქვეყანაში ეპიდსიტუაცია საკმაოდ რთული რჩება. მიუხედავად იმისა, რომ სტაბილიზაციისკენ არის ნიშნები, ეს სტაბილიზაცია არის მაღალ ციფრებზე. ერთია დამამშვიდებელი, ის მეტად არ უარესდება ანუ არ არის გაუარესების ტენდენცია“, – აცხადებს, დაავადებათა კონტროლის ეროვნული ცენტრის ხელმძღვანელი, ამირან გამყრელიძე.

მსგავსი სიახლეები:

🔵მიუხედავად წყევლის, ტალახში თრევის და ათასი საზიზღრობის რასაც ჩემზე წერთ,აიცერით!-ნანა გეგეჭკორი

🔵ექიმი მსურველებს მის მირ შექმნილ ვაქცინას უკეთებდა

🔵ეს მწვანე პასპორტი თავის მოტყუებისთვის ხომ არ გვინდა?-თენგიზ ცერცვაძე