ექიმი მსურველებს მის მირ შექმნილ ვაქცინას უკეთებდა

გერმანული მედიის ინფორმაციით,  ქალაქ ლიუბეკის აეროპორტში ექიმი  ვინფრიდ შტიოკერი მსურველებს მის მიერ შექმნილ „კოვიდ-19“-ის საწინააღმდეგო ვაქცინას უკეთებდა.

პროფესორი ვინფრიდ შტიოკერს, ამის გამო, გერმანიის ფედერალური კანონის დარღვევაში სდებენ ბრალს. როგორც მედია წერს, პროფესორის აქცია სამართალდამცველებმა შეაჩერეს. თუმცა, ვიდრე ეს მოხდებოდა,  მის მიერ შექმნილი ვაქცინა სულ მცირე 50-მა ადამიანმა გაიკეთა.

როცა ადგილზე სამართალდამცველები მივიდნენ, აეროპორტის შენობის წინ 80 ადამიანი დახვდათ, ხოლო უფრო მეტი ადამიანი მოლოდინის რეჟიმში იყო. გერმანული მედიის ინფორმაციით,  სარეგისტრაციო  დარბაზში 150-მდე ადამიანი იმყოფებოდა, ვინც აცრის სურვილს გამოთქვამდა. გავრცელებული ინფორმაციით, ვაქცინაცია სპეციალურად მომზადებულ  ოთახში ჩატარდა. ამ პერიოდში საჰაერო მიმოსვლა არ იყო.

ადგილზე მისვლის შემდეგ, ოფიცრებმა ვაქცინაციის ნიმუშები აიღეს. ამოიღეს გამოყენებული შპრიცები და ვაქცინირებულთა სიებიც. სამართალდამცველებმა ჩაიწერეს დამსწრეთა პირადი მონაცემები. დამატებითი დეტალები ამ დროისთვის უცნობია.

2020 წლის აპრილში გერმანული მედია უკვე წერდა პროფესორ შტიოკერის შესახებ, რომელიც საკუთარ ლაბორატორიაში „კოვიდ-19“-ის საწინააღმდეგო ვაქცინის შექმნაზე მუშაობდა. თავდაპირველად, მან პრეპარატი საკუთარ თავზე გამოსცადა, შემდეგ მეგობრებს და ოჯახის წევრებს გაუკეთა. მოგვიანებით, მისი ვაქცინის გაკეთების სურვილი ათეულობით მოხალისემ გამოთქვა.

2020 წლის ოქტომბერში ექიმმა მისი ვაქცინის დეტალური კვლევის მოთხოვნით პაულ ელრიხის ინსტიტუტს მიმართა, საპასუხოდ, ინსტიტუტმა პროკურატურას მიმართა.

ასევე დაგაინტერესებთ:
🔵მიუხედავად წყევლის, ტალახში თრევის და ათასი საზიზღრობის რასაც ჩემზე წერთ,აიცერით!-ნანა გეგეჭკორი

🔵იტალიაში „ომიკრონით“ ინფიცირების პირველი შემთხვევა დაფიქსირდა

🔵ეს მწვანე პასპორტი თავის მოტყუებისთვის ხომ არ გვინდა?-თენგიზ ცერცვაძე