"როდესაც ვიყავი ქორეპისკოპოსი და ეკლესიაში ვიხილე პედოფილი მღვდლები, პირველმა ავიმაღლე საპროტესტო ხმა ... ჯერ ავტოავარია მომიწყვეს, დავიმტვერი, შემდეგ მე და ჩემი მძღოლი მოგვწამლეს"

მარგვეთის ეპარქიის ყოფილი მღვდელმთავრის, ქრისტეფორე წამალაიძის წერილს დეკანოზი ილია ჭიღლაძე სოციალურ ქსელში ავრცელებს:

"ილია მეორის მიერ დევნილ და დასჯილ ეპისკოპოსის, მეუფე  ქრისტეფორე წამალაიძის განცხადება:

"1979-80 წლებში, მე ვიყავი ქორეპისკოპოსი და უაღრესად ნათლად დავინახე რა ფორმებით ხრწნიდა ათეისტური კაგებე და მისგან ეკლესიაში შემოგზავნილი აგენტურა, განსაკუთრებით პედოფილი მღვდელმთავრები ჩვენს ეკლესიას!

ყოველივე ამის შესახებ საპროტესტო ხმა ავიმაღლე საჯაროდ, როგორც სიტყვიერად ისე ოფიციალური წერილებით! 

ამის გამო დამიპირისპირდა სინოდის თითქმის ყველა წევრი პატრიარქის ჩათვლით!  

პატრიარქი თითის ქნევით დამემუქრა და მას შემდეგ დაიწყო ჩემი არნახული დევნა-შევიწროვება!

ყველაფერში ვამხილე პატრიარქი და წერილობით მოვითხოვე ქორეპისკოსის თანამდებობიდან ჩემი განთავისუფლების შესახებ!

სრულყოფილად შევიცანი და შევისწავლე პატრიარქი, მისი ბუნება და მის მართვის მეთოდები!

არა მხოლოდ პატრიარქი დამემუქრა, არამედ რელიგიის რწმუნებული გივი შალვას-ძე მაისურაძე და ედუარდ შევარდნაძე!

ჯერ  ავტოავარია მომიწყვეს, დავიმტვერი, მაგრამ სასწაულებრივად გადამარჩინა უზენაესმა ღმერთმა, შემდეგ მე და ჩემი მძღოლი იური ბაბაშვილი მოგვწამლეს სოფ. ბარდუბანში, დემურ ბარდაველიძის ოჯახში..  

უზენაესმა ღმერთმა, პროფესორმა ნინო მგელაძემ და ექიმებმა, ხუტა პაჭყორიამ და ზურაბ ენუქიძემ სიკვდილს გამოსტაცეს ჩემი თავი!

პედოფილი მღვდელმთავრების მიერ დაიგეგმა ჩემი ლიკვიდაცია, ამის შესახებ ჩემს დედობილს საიდუმლოდ მიაწოდა ინფორმაცია მორწმუნე პიროვნებამ, მან თანხის რაოდენობაც კი უთხრა დედობილს უკვე გადახდილი ჩემი ლიკვიდაციისთვის 150 000 მანეთი! 

შეტყობინებისთანავე წამოვედი შუა ღამით, რომ არავის გაეგო და მეტეხში გავჩერდი ერთი თვე, მანქანაც მეტეხში მყავდა.

გვიან საღამოთი გამომიარეს ჩემმა ახლობლებმა და თავიანთი მანქანით წამიყვანეს თბილისში!

ღამით თურმე ავის მზრახველებმა მთელ სოფელში გამორთეს ელექტრო შუქები და ყაჩაღები შუაღამისას თავს დაესხნენ შენს ოჯახს, თითქოს ძარცვის მიზნით, ამ დროს ოჯახს ჰქონდა მხოლოდ 3 მანეთი, მომხდურები უთენია დილამდე არ მიდიოდნენ, მეუღლეს ეჩხუბებოდნენ და სთხოვდნენ ეთქვა სად ვიყავი მე !

მომხდურმა სილა გააწნა მეუღლეს, გამწარებული მეუღლე ყელში სწვდა შეურაცხმყოფელს და ფრჩხილებით დასერა მისი ყელი, ტკივილმიყენებულმა მომხდურმა მეუღლეს ხელები ხანჯლით დაუსერა!

ეს მოხდა 1983 წელს.

შემატყობინეს მომხდარის შესახებ და სასწრაფოდ დავბრუნდი მეტეხში, მეუღლე ნაცემი და საკმაოდ სისხლდაკარგული საავადმყოფოში დაეწვინათ!

კასპის რაიონის მთავარი გამომძიებელი იყო მეუღლის ალალი მამიდის შვილი შოთა თაბუაშვილი, მოიძიეს  ყველა საეჭვო პიროვნება, მეუღლემ უთხრა გამომძიებელს მომხდურს ყელზე აუცილებლად ექნება ჩემი ფრჩხილებით მიყენებული ნაკაწრებიო, მართლაც სიცხეში ყელზე შემოხვეული "კაშნით" მიაგნეს, მოჭიდავე, შავი სამყაროს წარმომადგენელ ამირან იაძეს, ზედმეტ სახელად "გუძას", მან თავის თანამზრახველები ვინებიც თავდასხმის დროს თან ახლდა არ გასცა, მიუხედავად დიდი ზეწოლისა, მას მიუსაჯეს 12 წლით პატიმრობა!

როგორც ციხიდან გამოჟონილი ინფორმაციით შევიტყვეთ, გუძას უთქვამს , თუ მალე ციხიდან არ გამიყვანენ ყველაფერ სიმართლეს ვიტყვიო!

ამ სიტყვის თქმის რამდენიმე დღის შემდეგ გუძა ციხეში სიცოცხლეს გამოასალმეს!

ყოველივე ინფორმაცია ჩემს ხელთ არსებული გავაცანი ჩემს უახლოეს მეგობარ მღვდელმთავრებს, მეუფე შიოს და ამბროსის!

მოვითხოვეთ სინოდის კრების მოწვევა, სადაც უნდა განხილულიყო პედოფილებისა და აგენტების საკითხი, მაგრამ პატრიარქმა ყველაფერი საშუალება გამოიყენა, რათა სინოდის კრება არ ჩატარებულიყო ამ საკითხთა შესახებ! 

დაიწყო ისევ ჩვენი გაათმაგებული დევნა-შევიწროვება!"

ნოემბერი, 2022", - აღნიშნულია ინფორმაციაში.

ასევე დაგაინტერესებთ:

📍"მეთოთხმეტე წელია შავი ლაბრადორი მყავს სახლში, არაერთხელ გავმხდარვარ აგრესიის სამიზნე მხოლოდ იმიტომ, რომ დიდი ტანის ძაღლი დამყავს ალიკაპის გარეშე"

📍სამების საკათედრო ტაძარში რიგით 66-ე საყოველთაო ნათლობა გაიმართა - ილია მეორეს ჯამში ნათლული 45 000 ბავშვი ჰყავს

მასალის გამოყენების პირობები


მთავარი სიახლეები




სხვა სიახლეები

1711620000

ბიზნესი

ლარი დოლართან მიმართებით გაუფასურდა, ევროსთან - გამყარდა

27 მარტის ვაჭრობის შედეგად, ლარი აშშ დოლართან მიმართებით გაუფასურდა. კურსის ცვლილებამ 0.29 თეთრი შეადგინა, რის შემდეგაც დოლარის ოფიციალური ღირებულება 2,7084 ლარი გახდა. საქართველოს ეროვნული ბანკის ინფ...

ბიზნესი

1711616400

ახალი ამბები

ქუთაისის აეროპორტიდან ქალაქის ცენტრამდე ავტობუსები დაინიშნა

დღეიდან, 28 მარტიდან ქუთაისის საერთაშორისო აეროპორტიდან ქალაქის ცენტრამდე და პირიქით, მგზავრებს სამი ავტობუსი - SHUTTLE BUS მოემსახურება. საქართველოს აეროპორტების გაერთიანების ცნობით, შეისყიდეს ახალი,...

ზოგადი

1711612800

ახალი ამბები

საგამოძიებო სამსახურმა ე.წ. ქოლცენტრების საქმეზე ორი პირი დააკავა

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული საგამოძიებო მოქმედებების შედეგად, ორგანიზებული ჯგუფის მიერ, დიდი ოდენობით სხვისი ქონების თაღლითურად დაუფლების ფაქტზე...

სს

1711609200

მსოფლიო

უცხოელ ექსპერტებთან დაკავშირებით ჩვენ ერთხელ უკვე ვენდეთ, მათ შორის ევროკავშირსაც, როდესაც მათი თხოვნით, მიხეილ სააკაშვილთან ჩამოვიდნენ პოლონელი ექსპერტები და წინდით გამოჰქონდათ მისი რაღაც ბიომასალა - შალვა პაპუაშვილი

უცხოელ ექსპერტებთან დაკავშირებით ჩვენ ერთხელ უკვე ვენდეთ მათ შორის ევროკავშირსაც, როდესაც მათი თხოვნით, მოწოდებით, მიხეილ სააკაშვილთან ჩამოვიდნენ პოლონელი ექსპერტები. ევროკავშირმა გაგვიცრუა იმედები, -...

საქართველო

1711605600

ჰოროსკოპი

რა გელოდება დღეს - 28 მარტის ასტროლოგიური პროგნოზი ზოდიაქოს ყველა ნიშნისთვის

ვერძი ეცადეთ, ფული უფრო რაციონალურად ხარჯოთ, განსაკუთრებით, თუ უახლოეს ხანებში სამედიცინო გამოკვლევის ჩატარებას გეგმავთ. რეკლამა ნუ მოგატყუებთ - შეძენამდე ნივთი ყურადღებით შეამოწმეთ, რათა იმედგაცრუებუ...

ჰოროსკოპი