საქართველოსა და ინდოეთის რესპუბლიკის საგარეო საქმეთა სამინისტროებს შორის პოლიტიკური კონსულტაციები გაიმართა

თბილისში, საქართველოს და ინდოეთის რესპუბლიკის საგარეო უწყებებს შორის ორმხრივი პოლიტიკური კონსულტაციების მე-8 რაუნდი გაიმართა. საქართველოს მხრიდან კონსულტაციებს საგარეო საქმეთა მინისტრის მოადგილე ბატონი ალექსანდრე ხვთისიაშვილი ხელმძღვანელობდა, ხოლო ინდოეთის მხრიდან - საგარეო საქმეთა სამინისტროს დასავლეთის მიმართულების ხელმძღვანელი, სახელმწიფო მდივანი სიბი ჯორჯი.

კონსულტაციებზე განხილული იყო ორმხრივი პოლიტიკური, სავაჭრო-ეკონომიკური და სატრანსპორტო-ლოგისტიკური თანამშრომლობის ფართო სპექტრი, ორ ქვეყანას შორის საგანმანათლებლო, კულტურული და სამეცნიერო ურთიერთობების, ასვე ხალხთაშორისი კავშირების შემდგომი გაღრმავების ახალი გზები და შესაძლებლობები, გამოცდილების ურთიერთგაცვლის პერსპექტივები, თანამშრომლობა საერთაშორისო ორგანიზაციებსა და სხვა ფორმატებში. საუბარი ასევე შეეხო მაღალი და უმაღლესი დონის ვიზიტების გაცვლას, საპარლამენტო და დარგობრივი უწყებებს შორის თანამშრომლობის გააქტიურებას, საქართველო-ინდოეთის ერთობლივ პროექტებს და ბიზნეს სექტორის ჩართულობას და ვიზიტების ურთიერთგაცვლის მნიშვნელობას.

შეხვედრისას, მხარეებმა გაცვალეს დეტალური ინფორმაცია რეგიონული და საერთაშორისო დღის წესრიგის აქტუალური საკითხებთან დაკავშირებით, მათ შორის სამხრეთ კავკასიაში, შავი ზღვის რეგიონში, სამხრეთ აზიასა და ინდოეთის ზღვის რეგიონში მიმდი\/ნარე განვითარებებსა და გამოწვევებზე.

მხარეები შეთანხმდნენ განაგრძონ რეგულარული დიალოგი და ერთობლივი მუშაობა ორმხრივი თუ რეგიონული თანამშრომლობის შემდგომი გაღრმავებისათვის.

ინფორმაციას საქართველოს საგარეო საქმეთა სამინისტრო ავრცელებს.