„შეჩერდეს კულტურის დესტრუქციული პოლიტიკა“ - კულტურის პროფკავშირი ირაკლი ღარიბაშვილს მიმართავს

საქართველოს მეცნიერების, განათლებისა და კულტურის მუშაკთა პროფესიული კავშირი პრემიერ-მინისტრს, ირაკლი ღარიბაშვილს მიმართავს.

„ვიმედოვნებთ, რომ დაინტერესდებით საქართველოს ეროვნულ მუზეუმში უკანასკნელ პერიოდში მიმდინარე პროცესებით, რათა შეჩერდეს კულტურის დესტრუქციული პოლიტიკა, რომელიც გამოუსწორებელ ზიანს აყენებს ჩვენს კულტურულ მემკვიდრეობას, სამუზეუმო სფეროს, ინტელექტუალურ რესურსსა და ქართულ მეცნიერებას.“ - წერია წერილში, როლის ავტორი საქართველოს ეროვნული მუზეუმის მოქმედი და გათავისუფლებული 130-მდე თანამშრომელია.

„დათხოვნის მიზეზად სახელდება ინსტიტუციის რეორგანიზაცია და თანამშრომელთა კვალიფიკაცია. განსაკუთრებით საყურადღებოა ის ფაქტი, რომ გასაუბრების თემა იყო არა თანამშრომელთა სამეცნიერო კომპეტენცია, არამედ მათი მოქალაქეობრივი პოზიცია და უსაფუძვლო „დისციპლინური გადაცდომები.

ჩვენთვის ცნობილი გახდა, რომ შოთა რუსთაველის ეროვნული სამეცნიერო ფონდის მიერ დაფინანსებულ პროექტებში მონაწილე გაშვებულ თანამშრომლებს (მათ შორის პროექტების ხელმძღვანელებს) აეკრძალებათ მუზეუმის ტერიტორიაზე შესვლა.

ცხადია, ეს არის ფონდსა და მუზეუმს შორის გაფორმებული კონტრაქტის უხეში დარღვევა. აქვე შეგახსენებთ, რომ შოთა რუსთაველის ეროვნული სამეცნიერო ფონდის 2021 წლის ფუნდამენტური კვლევებისათვის სახელმწიფო სამეცნიერო გრანტების კონკურსი გამორჩეულად ნაყოფიერი აღმოჩნდა საქართველოს ეროვნული მუზეუმისთვის. შედეგად, გაიმარჯვა ცამეტმა პროექტმა, რომელშიც ასამდე მკვლევარს და ახალგაზრდა მეცნიერს უნდა მიეღო მონაწილეობა, თუმცა სამინისტროს მხრიდან შექმნილი დაბრკოლებების გამო, ერთი პროექტი შეჩერდა, დანარჩენები კი კვლავ საფრთხეშია“, – ნათქვამია განცხადებაში.

წერილს ხელს ასევე, კულტურის სხვადასხვა სფეროს წარმომადგენლები აწერენ.

ასევე დაგაინტერესებთ:

🔵 „დავაი, დაახვიეთ… თქვე ჭორიკნებო“ – თორნიკე რიჟვაძე უმაღლესი საბჭოს დეპუტატებს

🔵  "პუტინი კვდება, მას საქართველო, უკრაინა და მოლდოვა არ სჭირდება" - ცნობილი უკრაინელი ექსტრასენსის სკანდალური პროგნოზი

🔵 „ვინც ძვირფასი ჰყავდა, დაეღუპა, მარტოდ იყო დარჩენილი, მაგრამ უნდა ვიცოცხლო, რომ შვილიშვილებისთვის მაგალითი ვიყოო“ - რას წერს გიორგი ღოღობერიძე