სოციალურად დაუცველ 240 ოჯახს „სიკეთის ბარათი“ - ფულადი ვაუჩერები გადაეცემა (ფოტოკოლაჟი)

სოციალურად დაუცველ 240 ოჯახს „სიკეთის ბარათი“ - ფულადი ვაუჩერები გადაეცემა. საქველმოქმედო აქცია სოციალური მომსახურების სააგენტოსა და ნინო სურგულაძის ფონდის "ნატვრის ხე“ ინიციატივით ხორციელდება.

აქციის ფარგლებში, ჯანდაცვის მინისტრის მოადგილე თამარ ბარკალაია და ნინო სურგულაძე სოციალურად დაუცველ რამდენიმე ოჯახს უკვე ესტუმრნენ და ფულადი ვაუჩერი პირადად გადასცეს.

ვაუჩერს მიიღებს ოჯახი, რომელსაც აქვს 65000-ზე ნაკლები სარეიტინგო ქულა და ჰყავს ერთი 16 წლამდე ასაკის შშმ პირი. საქველმოქმედო აქცია კომპანია "სოკარის" აქტიური მხარდაჭერით ხორციელდება.

"სიკეთის ბარათით" სოციალურად დაუცველი ოჯახები მედიკამენტების, საკვები დანამატების და სხვა შესაბამისი სამედიცინო დანიშნულების საგნების შეძენას შეძლებენ.

ვაუჩერების განაღდება მათ კომპანია "ავერსის" სააფთიაქო ქსელში შეეძლებათ.

სოციალური მომსახურების სააგენტომ, შესაბამისი კრიტერიუმების მიხედვით, სულ 240 ოჯახი შეარჩია. ბარათებს სოციალური მომსახურების სააგენტო დაარიგებს.

აქცია დღეს დაიწყო და მარტის ბოლომდე გაგრძელდება.

ნინო სურგულაძის საერთაშორისო საქველმოქმედო ფონდი “ნატვრის ხე“ 7 წლის წინ შეიქმნა.

ამ დროის განმავლობაში საქველმოქმედო კონცერტებით, საზოგადოების და მსოფლიო ვარსკვლავების ჩართულობით, ნინო სურგულაძემ 120-ზე მეტ ბავშვს აჩუქა სიცოცხლე, ბავშვების უმრავლესობას საზღვარგარეთ მკურნალობა დაუფინანსდა და ურთულესი ოპერაციები ჩაუტარდათ. ასევე ფონდმა დახმარება გაუწია სოციალურად დაუცველ ათასამდე ოჯახს.

სხვა სიახლეები:

🔳 COVID-19-ით დაავადებულთა და მათთან კონტაქტირებულთა იზოლაციისა და კარანტინის ვადები მცირდება

🔳 სურვილი მაქვს, სალომე ზურაბიშვილს ორიოდ სიტყვა ვუთხრა, იქნებ, სარეაბილიტაციოდ გაუშვან საქართველოს მესამე პრეზიდენტი - თაკო ჩარკვიანი

🔳 „მოკლე დროში კოვიდით რეინფიცირების შემთხვევები გახშირებულია, განსაკუთრებით აჭარაში“ - ექიმის რჩევები

🔳 „თქვენო ღირსებავ… დღემდე თვალებიდან არ ამომდის ატირებული მოსამართლე“ – ნათია მეზვრიშვილი გარდაცვლილ მოსამართლეს ემშვიდობება