"თითქოს მე-12 დაწესებულების ტერიტორიაზე ხდება სპეცრაზმისა და პოლიციის კოლონების შეყვანა, სიცრუეა" - პენიტენციური სამსახური

სპეციალური პენიტენციური სამსახური განცხადებას ავრცელებს.

სპეციალური პენიტენციური სამსახურის მიერ გავრცელებულ განცხადებაშია აღნიშნული, გავრცელებული ინფორმაცია, თითქოს N12 დაწესებულების ტერიტორიაზე განსაკუთრებული მობილიზებაა და ხდება სპეცრაზმისა და პოლიციის კოლონების შეყვანა, სიმართლეს არ შეესაბამება.

მათივე განცხადებით, საზოგადოების შეცდომაში შეყვანის მორიგი მცდელობაა.

როგორც უწყების მიერ გავრცელებულ განცხადებაშია ნათქვამი, კადრები, რომელიც გავრცელდა, არის არა N12 დაწესებულების ტერიტორია, არამედ რუსთავში მდებარე სპეციალური პენიტენციური სამსახურის გარე დაცვისა და ინფორმაციულ-ტექნიკური უსაფრთხოების მთავარი სამმართველოს ბაზა.

"ინფორმაციისთვის, სპეციალურმა პენიტენციურმა სამსახურმა პირველ ოქტომბერს შინაგან საქმეთა სამინისტროს მიმართა უსაფრთხოების ნორმების მაქსიმალურად დაცვის მიზნით გამოეყო დამატებითი ძალები, რომელიც განთავსებული არის სწორედ ინფორმაციულ-ტექნიკური უსაფრთხოების მთავარი სამმართველოს ბაზაზე.

გავრცელებულ კადრებშიც სწორედ შინაგან საქმეთა სამინისტროს დამატებითი ძალების როტაციის პროცესია ასახული და რაიმე განსაკუთრებული მობილიზება N12 დაწესებულების მიმდებარედ არ ხდება", - ნათქვამია პენიტენციური სამსახურის განცხადებაში.

ასევე დაგაინტერესებთ:

🔵 "მთავარი არხი" მოქალაქეებს ფულად ჯილდოს სთავაზობს, თუ ისინი არჩევნებში დარღვევის ამსახველ მტკიცებულებებს მიაწვდის მათ

🔵 "მე იმ წრეში ვარ, სადაც 5-იანის შემოხაზვა პრობლემაა. სადაც ადამიანებს გული ერევათ, საჯიშე ბიჭების გადასარჩენად წარმოებულ ყალბ ომზე" - თამარ ჩერგოლეიშვილი