თორნიკე ჭეიშვილი: პასუხისმგებლობა არის იმ დონორებზე, რომლებიც ასე უხვად აფინანსებენ შესაბამის კამპანიებს, შესაბამის ორგანიზაციებს, რომლებიც ცდილობენ, რომ ამ მართული პროცესებით საქართველოში დაძაბონ სიტუაცია

 პასუხისმგებლობა არის იმ დონორებზე, რომლებიც ასე უხვად აფინანსებენ შესაბამის კამპანიებს, შესაბამის ორგანიზაციებს, - განაცხადა იურიდიულ საკითხთა საპარლამენტო კომიტეტის თავმჯდომარის პირველმა მოადგილე თორნიკე ჭეიშვილმა „იმედის კვირის“ მიერ გაშიფრულ სქემაზე საუბრისას.

მისივე თქმით, უცხოელი დონორები ცდილობენ იმას, რომ ამ მართული პროცესებით საქართველოში დაძაბონ სიტუაცია.

„უცხოელი დონორები ასევე ცდილობენ ხალხის ნების უგულებელყოფის ფონზე მათთვის სასურველი სახელისუფლებო ძალები მოვიდნენ ქვეყნის მართვის სადავეებით“, - აღნიშნა თორნიკე ჭეიშვილმა.

„იმედის კვირამ“ მოიპოვა დოკუმენტები, გაშიფრული მასშტაბური სქემისა, თუ როგორ მოქმედებენ ონლაინ მედიები ხელოვნური პროტესტის შენარჩუნებისთვის და ამ მიზნის მისაღწევად როგორ ცდილობენ საზოგადოებრივ აზრზე ზემოქმედებას, საკუთარი ვებ-გვერდების, სოციალური ქსელების თუ სხვა მედიასაშუალებების გამოყენებით.

უცხო ქვეყნის სპეცსამსახურებისთვის სასურველი ფარული გავლენის კამპანიების და სხვა ფსიქოლოგიურ-საინფორმაციო ღონისძიებისთვის, „ჯიპას უნივერსიტეტის’’ ჩართულობით საქართველოში შექმნილია 800-ზე მეტი ადამიანისგან შემდგარი, ონლაინ-მედიებისა და ე.წ გამომძიებელი ჟურნალისტებისგან შემდგარი ქსელი. ისინი სპეცსამსახურების დამუშავებული გეგმის მიხედვით ფუნქციონირებენ.