"ვეძებ ძიძას 10 წლის ბიჭისთვის, რომელსაც გათვითცნობიერებული ექნება, რომ ძიძა და "ყარაული" სხვადასხვა რამეა" - ფეისბუკმომხმარებლის პოსტი, რომელსაც დიდი გამოხმაურება მოჰყვა

სოციალურ ქსელში დიდი აღშფოთება გამოიწვია ახალგაზრდა ქალის პოსტმა, რომელსაც უცვლელად გთავაზობთ:

"ვეძებ ძიძას 10 წლის ბიჭისთვის, რომელსაც შეეძლება პირველ რიგში, ბავშვის მეცადინეობა.

ასევე კარგად ექნება გათვითცნობიერებული რომ ძიძა და "ყარაული" სხვადასხვა რამეა.

მოვალეობებში შედის:

დილას სკოლაში წაყვანა, იქ დალოდება, უკან მოყვანა, სასკოლო გაკვეთილების მომზადება და ამას გარდა დარჩენილ დროში მის განვითარებაზე სხვადასხვა მეთოდებით ზრუნვა (ბავშვთან კომუნიკაცია და ზოგადი ცოდნის ეტაპობრივად ამაღლება).

ამას გარდა, უმთავრესია, ადამიანი იყოს ესთეტიკური, ჰქონდეს ელემენტარული ეტიკეტისთვის დამახასიათებელი ჩვევები, მაგალითად, წიგნს არ ფურცლავდეს დანერწყვილი ხელით, დილას და ასევე ყოველ საპირფარეშოში შესვლის შემდეგ იბანდეს ხელებს საპნით!

გაცდენა მხოლოდ სერიოზული და საპატიო მიზეზებით!

ადრე წასვლაც!

არანაირი ვალდებულება იმის გარდა, რაც ბავშვის სწავლას ეხება და საკუთარი ესთეტიკის გარდა!

ხანგრძლივი დროით მჭირდება დამხმარე, თუმცა ისიც მინდა გითხრათ, რომ სასწრაფოდ მჭირდება, ასე რომ, თუ ნამდვილად ხართ დაინტერესებული ხანგრძლივი და სტაბილური სამსახურით და გაცნობიერებული გაქვთ, რამხელა პასუხისმგებლობაა ბავშვის ძიძობა, ნუ დაელოდებით, როდის გავა ახალი წლები, ყველაზე საჭირო პერიოდია ახლა ჩემთვის და ნებისმიერი ადამიანისთვის.

დასვენების დღე კვირა.

სამუშაო საათები (სკოლის პერიოდში) 8-დან საღამოს 6-მდე, ონლაინ გაკვეთილების ან არდადეგების დროს 10-დან 7-მდე.

უნდა შეეძლოს საჭიროების შემთხვევაში დარჩენაც, რა თქმა უნდა, ეგ ხელფასში არ შედის და ცალკე ანაზღაურდება.

მისამართი: გლდანი. ხელფასი 800 ლარი",- აღნიშნულია პოსტში.

სხვა სიახლეები:

🔳 "ეჰ, წონაში კლება ტვინს, ინტელექტს და შიგთავსს რომ ცვლიდეს" - რატომ აკრიტიკებს თაკო ჩარკვიანი ელისო კილაძეს

🔳 "იმედი მაქვს, კოვიდიც გადატანილი აქვს და ამ დაავადებას ძირ - ფესვიანად იცნობს!" - ექიმი ანი ქავთარაძე ჯანდაცვის მინისტრის პოსტზე ზურაბ აზარაშვილის წარდგენას ეხმაურება

🔳 "წითელი ფერი საბჭოთა კავშირს მახსენებს და მეშინია" - რას წერს დადიანების სასახლეში გამართულ მეჯლისზე გერმანიაში მცხოვრები ემიგრანტი